Álemdik pop-juldyzy Djennifer Lopestiń Almatydaǵy kontserti 10 tamyz kúni ótedi. Mýzykalyq keshti joǵary deńgeide ótkizýge qalanyń Ortalyq stadiony daiyndalyp jatyr. Qaýipsizdik sharalary kúsheitilip, infraqurylym tolyq jańǵyrtyldy. Tribýnalar jóndelip, baspaldaqtar jańartylyp, oryndyqtar ishinara jóndelip jatyr,- dep habarlaidy Dalanews.kz
Stadion aýmaǵynda júrip jatqan kishigirim qurylys jáne jóndeý jumystary 9 tamyzǵa deiin tolyq aiaqtalady. Buǵan deiin stadionnyń jaryq júiesi jańartylyp, 50-den astam sham aýystyryldy. Qazirgi tańda sahnanyń tehnikalyq jabdyqtalýy men qaýipsizdik talaptaryna sáikestigi tekserilýde. Syrtqy dárethanalar jańartyldy, qorshaýlar qalpyna keltirilip, irgeles aýmaq abattandyryldy.
Qazirgi ýaqytta sahnanyń tehnikalyq jabdyqtalýy men qaýipsizdik talaptaryna sáikestigi tekserilýde.
«Bul kontsert Almaty úshin asa mańyzdy oqiǵa. Onyń qalai ótetini qalanyń halyqaralyq bedeline tikelei áser etedi, sondyqtan usaq-túiek jaittardy da eskerý qajet. Mundai sharalar Almatyǵa degen qyzyǵýshylyqty arttyryp, týristerdi tartý úshin mańyzdy», – dedi Almaty qalasy ákiminiń orynbasary Azamat Qaldybekov.
Kontsert kezinde qoǵamdyq qaýipsizdikti qamtamasyz etý úshin 2960 qyzmetker jumyldyrylady: onyń ishinde 2240 politsiia qyzmetkeri, 600 áskeri qyzmetker, 120 jeke kúzet agenttigi ókilderi jáne 300 erikti bar.
Keshke keletin qonaqtardyń qaýipsizdigin qamtamasyz etý maqsatynda stadionǵa kiretin 26 baqylaý beketiniń árqaisysynda metall detektorlar men 52 qol skanerleri ornatylady.
Stadion aýmaǵy tórt negizgi fan-aimaqqa bólinedi, árqaisysy 2–3 myń adamǵa arnalǵan. Bul kórermenderdiń qozǵalysyn baqylaý men tártip saqtaýǵa múmkindik beredi.
Qala ákimdigi tarapynan sanitarlyq talap da basty nazarda. Stadion janyna qosymsha 100-ge jýyq biodárethana qoiylady. «Taza Qazaqstan» aktsiiasy aiasynda eriktiler tazalyq jumystaryn júrgizip, is-shara barysynda tazalyqty qamtamasyz etedi.
Stadion aýmaǵynda jedel járdem jáne órt sóndirý kólikteri kezekshilik etedi. Barlyq tótenshe qyzmet tolyq saqadai-sai daiyn: evakýatsiia josparlary men habarlandyrý júiesi tekserilgen.
Qonaqtarǵa yńǵaily bolý úshin arnaiy baǵyttar boiynsha 50 avtobýs jumys isteidi. Kólik qozǵalysy Abai, Sátbaev jáne Baitursynov kósheleri boiymen belgilenedi. Baǵyt tabýǵa navigatsiialyq belgiler men LED ekrandar kómektesedi.
Djennifer Lopestiń Almatydaǵy kontsertine daiyndyq tek sahnamen shektelmei, qaýipsizdik pen uiymdastyrý jaǵynan da álemdik standarttarǵa sai júrgiziledi.
