Djeki Channyń qalamaqy almai, qarapaiym kólik mingeni Erlan Qarindi qatty tańqaldyrǵan
Erlan Qarin Amerikada oqyp, alty qurlyqty armansyz aralaǵan elimizdegi beldi degen saiasatkerlerdiń biri emes pe? Ol órkeniettiń ushar basyna shyqqan elderdiń tanymal adamdary meilinshe qarapaiym bolatynyn bilmei me? Eger Qazaqstannyń aýmaǵynan attap baspaǵan bireý bolyp buǵan tańqalyp jatsa, túsiner edik.
Al Eýropa kórgen, demokratiialyq qundylyqtar jaiynda áńgime aitatyn saiasattanýshynyń Djeki Channyń áreketine tańqalýyna endi biz tańqalyp otyrmyz.
https://www.instagram.com/p/BVXWys2jgHT/?taken-by=erlankarin
Iá, elimizge Qytaidyń áigili akteri kelgende onyń qansha qalamaqy altyny jaiynda kópishilik áleýmettik jelide biraz áńgime órbitkenin bilemiz. Múmkin Erekeń soǵan jaýap bermekshi bolyp, óziniń ishki sezimimen baiqamai bólisip qoiǵan shyǵar?
Erlan Qarinniń aitýynsha, álemge áigili akterdiń Qazaqstanǵa kelýine eshqandai qarajat jumsalmapty, tek EKSPO-ǵa bilet pen kádesyilar satyp ápergen kórinedi. Tipti, Djeki Chan óz ushaǵymen kelip, Astanada eshkimge salmaq salmai qarapaiym minivenmen júripti. Mine, azamat! Bizdiń sheneýnikter Djeki Channyń mundai qarapaiymdylyǵynan úlgi alýy kerek qoi. Buǵan Erkeń de tańqalypty. Ol:
– Tańǵalarlyq jait, Djeki Channyń Astanaǵa ushyp kelýi bizge eshqandai shyǵyn keltirgen joq! Ol dostarymen birge jeke ushaǵymen ushyp keldi, eshqandai gonorar tólenbedi, ózi raider de usynbady. Tipti, liýks kólikten bas tartyp, dostarymen qalany aralaý úshin qarapaiym miniven surady. Jergilikti elordalyq meiramhana ieleri kýmirlerin qýana qarsy alyp, keshki as úshin esep suramady. Qazaqstanda birneshe kún bolady dep josparlanǵan edi, alaida ýaqyt tyǵyz bolǵandyqtan jarty kún ǵana boldy, – dep jazdy Qarin.
Al biz bolsaq Djeki Chan kóp aqshany qaltasyna basyp ketti dep bekerge jazǵyryptyq. Aitpqashy, Erlan myrza Djeki Channyń qarapaiymdylyǵyna qatty tańǵalǵanyna qaraǵanda, biraz daiyndalǵandary bekerge ketken siiaqty ǵoi.
Nurlan JUMAHAN, "Feisbýktaǵy" paraqshasynan
https://dalanews.kz/16424
