Djeki Chan Mańǵystaýda tanymal týyndy túsiredi, dep habarlaidy Dalanews.kz.
Mańǵystaý oblysynyń Qoǵamdyq kommýnikatsiia ortalyǵy málimetinshe, álemdik kino juldyz Djeki Chan jáne "Dospehi Boga: Ýltimatým" filminiń rejisseri Robert Kýn jańa iri kinojobanyń negizgi túsirilim alańy retinde Mańǵystaýdy resmi túrde bekitken.
"Uzaq kelissózderdiń nátijesinde biregei landshafttary, aýqymdy panoramalary jáne tabiǵi ereksheligi úshin "Dospehi Boga" filminiń túsirilim orny retinde dál Mańǵystaý tańdaldy. Kýltke ainalǵan filmniń Mańǵystaýda túsirilýi Qazaqstannyń kinoindýstriiasy úshin mańyzdy oqiǵa retinde baǵalanyp otyr. Jobanyń júzege asyrylýy elimizdiń halyqaralyq kinematografiialyq keńistiktegi ornyn nyǵaityp, óńirge investitsiialar tartýǵa, sondai-aq, kreativti indýstriialar men týrizm áleýetin damytýǵa yqpal etedi", - dep jazylǵan habarlamada.
