Dini qarym-qatynas ózara qurmet qaǵidattaryna negizdelýi kerek
Osy oraida álemdik isterdi úilestirýde jáne halyqaralyq qatynastardyń kóppoliarlyq júiesin nyǵaitý boiynsha BUU-nyń mańyzy zor ekeni belgili.
BUU-nyń ótken 78-sessiiasy «Senimdilikti qalpyna keltirý jáne jahandyq yntymaqtastyqty jandandyrý: 2030 jylǵa deiin kún tártibinde beibitshilik, órkendeý, damý jáne barlyǵyna birdei turaqtylyq úshin tujyrymdalǵan maqsattaryna jetý boiynsha áreketterdi jedeldetý» degen taqyryppen álem prezidentterin dialogqa shaqyrdy.
Álemdik deńgeidegi mańyzdy jiynda sóz sóilegen Prezidentimiz Q.Toqaev halyqaralyq daýlardy jáne geosaiasi qaqtyǵystardy diplomatiialyq jolmen sheshýge shaqyryp «beibitshilik tek qarý-jaraqqa tyiym salýmen nemese deklaratsiiaǵa qol qoiýmen ǵana emes, beibitshilik mádenietin qalyptastyrýda dinaralyq jáne konfessiiaaralyq dialog asa mańyzdy» ekenin atap ótti.
Sonymen qatar memleket basshysy «jýyrda qasietti kitaptarǵa qurmetsizdik tanytý aktileri boldy. Biz osy jaǵdaiǵa alańdaýshylyq bildiremiz.
Islamǵa jáne basqa da dinderge qatysty jasalǵan mundai taǵylyq áreketterden erkindiktiń, sóz bostandyǵynyń jáne demokratiianyń nyshany bilinbeidi. Quran sekildi qasietti kitaptardyń bári vandalizmnen quqyqtyq turǵyda qorǵalýǵa tiis» dep, mundai áreketter demokratiianyń belgisi emes ekendigin ashyq aityp, qoǵamdaǵy dini tózimdilik beibitshilik pen ózara qurmet qaǵidattaryna negizdelýi kerek dep halyqaralyq otyrysta memleketimizdiń pozitsiiasyn taǵy da aiqyndap berdi.
Osy oraida, Astanada ótetin Álemdik jáne dástúrli dinder kóshbasshylary seziniń eleýli rólin maqtan tutatynyn aitty. Álemdik jáne dástúrli dinder liderleri Seziniń negizgi jumys organy bolyp tabylatyn Hatshylyǵy konfessiiaaralyq jáne órkenietaralyq dialog máseleleri boiynsha Álemdik dinder liderleriniń ókilderimen jyl saiyn basqosý uiymdastyrady. Óziniń kezekti jiynyn aǵymdaǵy jyldyń qazan aiyna ótkizgeli otyrǵan Hatshylyq mádenietter men dinder arasyndaǵy jahandyq dialogty jáne halyqaralyq talqylaýlardy ilgeriletýge múmkindik jasaidy.
Biráli Elmira Atiǵollaqyzy, Konfessiiaaralyq jáne órkenietaralyq
dialogty damytý jónindegi N.Nazarbaev ortalyǵynyń Dintaný saraptamasy departamentiniń direktory
