Din salasyndaǵy memleket saiasatynyń róli qandai?
Forýmnyń plenarlyq otyrysynda QR Din isteri jáne azamattyq qoǵam ministri Nurlan Ermekbaev sóz sóiledi.
Óz sózinde Ermekbaev qazirgi dáýirdegi din salasyndaǵy memlekettik saiasatty júieli júzege asyrýdyń basty baǵyttaryna toqtaldy.
«Qoǵamda kez-kelgen destrýktivti dini ideologiiany múldem qabyldamaýdy qalyptastyrýymyz kerek. Bul jerde birlik pen jalpy ujymdyq kúsh-jiger mańyzdy. Elbasy men memlekettik saiasatty qoldaý tek qana sózben emes, kúndelikti minez-qulyqta, is-árekette, tipti syrtqy beinesinde kórinetinin ár azamat óz jaqyndaryna,tanystaryna túsindirýi qajet»- dep atap ótti óz sózinde vedomstv basshysy.
«Keibir adamdar bar. Sóz júzinde biliktiń, memlekettiń ustanymyna qarsy shyqpaimyz deidi. Memleket basshysynyń saiasatyn qoldaimyz dep aita tura, is júzinde, aitalyq, mektep kiim úlgisin saqtaý týraly naqty normativtik quqyqtyq aktilerdi buzady. Bul bir ǵana jait. Budan syrt memleket bekitken zań talaptaryna qaramastan ózderiniń dini birlestikterin tirkeýden ádeii bas tartady.
Úshinshiden, dini ýájderimen ekpe egýden, qan quiýdan bas tartady; internetten sheteldiń radikaldy din ýaǵyzdaýshylarynyń dáristerin júktep taratady.
Prezidenttiń Qazaqstan jurtshylyǵyna jáne salt-dástúrlerine jat syrtqy kórinisterge jol bermeý týraly aitqandaryna qaramastan mundailar basqa elderge tán qara kiim kiiý, saqal qoiý, qysqa shalbar kiiýdi jalǵastyrýda» - dedi Nurlan Ermekbaev.
Aita ketelik, forýmnyń jumysyna ortalyq memlekettik organdardyń basshylary jáne ókilderi, QR Parlamenti Májilisiniń depýtattary, dintanýshy-ǵalymdar, eldegi joǵary oqý oryndaryndaǵy dintaný kafedralarynyń tájiribeli oqytýshylary, ǵylymi qyzmetkerler men dini birlestik jáne ÚEU-dardyń ókilderi qatysty.
Astanada ótken Qazaqstan dintanýshylarynyń VII Forýmy «Qoǵamdyq sanany jańǵyrtýda din salasyndaǵy memleket saiasatynyń róli» atty taqyrypqa arnaldy. Shara uiymdastyrýshylarynyń pikirinshe, osynaý forýmnyń maqsaty men mindeti – elimizdiń din salasyndaǵy memlekettik saiasatty júzege asyrý úshin ǵylymi jáne sarapshylar qaýymdastyǵyn jáne ÚEU-dyń ókilderin birlesip, jumys isteýge shaqyrý bolyp tabylady.
