Din atyn jamylǵan ekstremizmniń aldyn alý
Tarih ǵylymdarynyń doktory, professor, RJǴA jáne HTǴA akademigi, «Intellekt Orda» áleýmettik-gýmanitarlyq zertteýlerdi integratsiialaý halyqaralyq institýtynyń bas direktory Sattar Májitov moderator retinde konferentsiianyń mańyzdylyǵyn atap ótti. «Jobanyń mindeti – qoǵamda antiterrorlyq uǵym qalyptastyrý, megapolis jaǵdaiyndaǵy din atyn jamylǵan ekstremizmniń aldyn alý boiynsha ádistemelik nusqaý-usynystar daiarlaý», – dedi Sattar Májitov.
Almaty qalasy ákiminiń orynbasary A. Qyryqbaev: «Respýblika boiynsha tirkelgen 18 konfessiianyń 17-si Qazaqstannyń iri megapolisi Almaty territoriiasynda óz qyzmetin júzege asyryp otyr. Bizdiń qala halqynyń 1/3 paiyzyn 30 jasqa deiingi jastar quraidy, munda Qazaqstan stýdentteriniń 30 paiyzy bilim alýda. Ásirese, jastar kóbinese túrli toptardyń yqpalyna túsip jatady. Sondyqtan da, Almaty qalasy Din isteri jónindegi basqarmasynyń jumysyn kúsheitip, iri konfessiialarmen tyǵyz bailanys ornatýdamyz. Búginde memleket dini ekstremizmniń aldyn alý máselelerine úlken mán berýde», – dep atap ótti.
«Osy kezeńge deiin dini turaqty jáne dini máselelerden tys aýmaq retinde sanalyp kelgen Qazaqstan búginde búldirýshi sipattaǵy kúshterdiń áserinen qiyn kezeńdi bastan ótkerýde. Qazirgi kezde jas urpaq boiynda ekstremistik qyzmetke tartý áreketteri men nasihattaryna qarsy tura alatyn immýnitet qalyptastyrý – memleket pen qoǵam aldyndaǵy erekshe mańyzdy mindet. Bul úderiste joǵary oqý oryndarynyń atqarar róli zor», – dedi óz sózinde ál-Farabi atyndaǵy QazUÝ-dyń áleýmettik damý jónindegi prorektory Sholpan Jamanbalaeva.
Qoryta kelgende, sarapshylar konstrýktivti tujyrymnyń qajettigi jáne dintanýdy oqytý ,jastardyń dini mádenietin arttyrý men olarmen profilaktikalyq jumys jasaýdyń tásili men tiimdiligi, memlekettik-dini qatynas salasynda qoǵamǵa kerek ǵylymi zertteýler júrgizý usynysy jóninde biraýyzdan kelisimge keldi. Bul talaptar men mindetterdi iske asyrý dini ekstremizmniń aldyn alý, qoǵamdy biriktirý jáne Qazaqstan azamattarynyń qaýipsizdigin kúsheitý jónindegi ortaq jumystardyń alǵa basýyna yqpal etedi.
Konferentsiiaǵa Almaty qalasy Din isteri basqarmasynyń tóraǵasy Aidar Esenbekov, QR BǴM ǴK Shyǵystaný institýtynyń direktory, filologiia ǵylymdarynyń doktory, professor, Qazaqstan joǵary mektebi Ǵylym akademiiasynyń akademigi Ábsattar qajy Derbisáli, Almaty qalasy Ortalyq meshitiniń bas imamy Nurbek qajy Esmaǵanbet, Almaty qalasy Bostandyq aýdanynyń prokýrory Baýyrjan Jumaqanov qatysty. Sonymen qatar, sharaǵa otandyq jáne sheteldik sarapshylar, dini birlestikter men ÚEU jáne ulttyq mádeni ortalyqtar jáne BAQ ókilderi, arnaiy jáne quqyq qorǵaý organdarynyń ardagerleri men qyzmetkerleri atsalysty.
Shara aiasynda Qazaqstan Respýblikasy Táýelsizdiginiń 25 jyldyǵyna arnalǵan kórme uiymdastyrylyp, «Qazirgi zaman dini» taqyrybyndaǵy kitaptyń tanystyrylymy jáne «Salaýat» QB bilim berý-mádeni ortalyǵy usynǵan «Antiterror – memleket pen qoǵam mindeti» taqyrybyndaǵy derekti filmniń kórsetilimi oryn aldy. Sondai-aq, «Islam» jáne «Hristian» sektsiialary jumys istedi.
Ál-Farabi atyndaǵy QazUÝ-dyń Korporativti BAQ jáne qoǵammen bailanys basqarmasy
