دٸن اتىن جامىلعان ەكسترەميزمنٸڭ الدىن الۋ
تاريح عىلىمدارىنىڭ دوكتورى, پروفەسسور, رجعا جەنە حتعا اكادەميگٸ, «ينتەللەكت وردا» ەلەۋمەتتٸك-گۋمانيتارلىق زەرتتەۋلەردٸ ينتەگراتسييالاۋ حالىقارالىق ينستيتۋتىنىڭ باس ديرەكتورى ساتتار مەجيتوۆ مودەراتور رەتٸندە كونفەرەنتسييانىڭ ماڭىزدىلىعىن اتاپ ٶتتٸ. «جوبانىڭ مٸندەتٸ – قوعامدا انتيتەررورلىق ۇعىم قالىپتاستىرۋ, مەگاپوليس جاعدايىنداعى دٸن اتىن جامىلعان ەكسترەميزمنٸڭ الدىن الۋ بويىنشا ەدٸستەمەلٸك نۇسقاۋ-ۇسىنىستار دايارلاۋ», – دەدٸ ساتتار مەجيتوۆ.
الماتى قالاسى ەكٸمٸنٸڭ ورىنباسارى ا. قىرىقباەۆ: «رەسپۋبليكا بويىنشا تٸركەلگەن 18 كونفەسسييانىڭ 17-سٸ قازاقستاننىڭ ٸرٸ مەگاپوليسٸ الماتى تەرريتوريياسىندا ٶز قىزمەتٸن جٷزەگە اسىرىپ وتىر. بٸزدٸڭ قالا حالقىنىڭ 1/3 پايىزىن 30 جاسقا دەيٸنگٸ جاستار قۇرايدى, مۇندا قازاقستان ستۋدەنتتەرٸنٸڭ 30 پايىزى بٸلٸم الۋدا. ەسٸرەسە, جاستار كٶبٸنەسە تٷرلٸ توپتاردىڭ ىقپالىنا تٷسٸپ جاتادى. سوندىقتان دا, الماتى قالاسى دٸن ٸستەرٸ جٶنٸندەگٸ باسقارماسىنىڭ جۇمىسىن كٷشەيتٸپ, ٸرٸ كونفەسسييالارمەن تىعىز بايلانىس ورناتۋدامىز. بٷگٸندە مەملەكەت دٸني ەكسترەميزمنٸڭ الدىن الۋ مەسەلەلەرٸنە ٷلكەن مەن بەرۋدە», – دەپ اتاپ ٶتتٸ.
«وسى كەزەڭگە دەيٸن دٸني تۇراقتى جەنە دٸني مەسەلەلەردەن تىس اۋماق رەتٸندە سانالىپ كەلگەن قازاقستان بٷگٸندە بٷلدٸرۋشٸ سيپاتتاعى كٷشتەردٸڭ ەسەرٸنەن قيىن كەزەڭدٸ باستان ٶتكەرۋدە. قازٸرگٸ كەزدە جاس ۇرپاق بويىندا ەكسترەميستٸك قىزمەتكە تارتۋ ەرەكەتتەرٸ مەن ناسيحاتتارىنا قارسى تۇرا الاتىن يممۋنيتەت قالىپتاستىرۋ – مەملەكەت پەن قوعام الدىنداعى ەرەكشە ماڭىزدى مٸندەت. بۇل ٷدەرٸستە جوعارى وقۋ ورىندارىنىڭ اتقارار رٶلٸ زور», – دەدٸ ٶز سٶزٸندە ەل-فارابي اتىنداعى قازۇۋ-دىڭ ەلەۋمەتتٸك دامۋ جٶنٸندەگٸ پرورەكتورى شولپان جامانبالاەۆا.
قورىتا كەلگەندە, ساراپشىلار كونسترۋكتيۆتٸ تۇجىرىمنىڭ قاجەتتٸگٸ جەنە دٸنتانۋدى وقىتۋ ,جاستاردىڭ دٸني مەدەنيەتٸن ارتتىرۋ مەن ولارمەن پروفيلاكتيكالىق جۇمىس جاساۋدىڭ تەسٸلٸ مەن تيٸمدٸلٸگٸ, مەملەكەتتٸك-دٸني قاتىناس سالاسىندا قوعامعا كەرەك عىلىمي زەرتتەۋلەر جٷرگٸزۋ ۇسىنىسى جٶنٸندە بٸراۋىزدان كەلٸسٸمگە كەلدٸ. بۇل تالاپتار مەن مٸندەتتەردٸ ٸسكە اسىرۋ دٸني ەكسترەميزمنٸڭ الدىن الۋ, قوعامدى بٸرٸكتٸرۋ جەنە قازاقستان ازاماتتارىنىڭ قاۋٸپسٸزدٸگٸن كٷشەيتۋ جٶنٸندەگٸ ورتاق جۇمىستاردىڭ العا باسۋىنا ىقپال ەتەدٸ.
كونفەرەنتسيياعا الماتى قالاسى دٸن ٸستەرٸ باسقارماسىنىڭ تٶراعاسى ايدار ەسەنبەكوۆ, قر بعم عك شىعىستانۋ ينستيتۋتىنىڭ ديرەكتورى, فيلولوگييا عىلىمدارىنىڭ دوكتورى, پروفەسسور, قازاقستان جوعارى مەكتەبٸ عىلىم اكادەميياسىنىڭ اكادەميگٸ ەبساتتار قاجى دەربٸسەلٸ, الماتى قالاسى ورتالىق مەشٸتٸنٸڭ باس يمامى نۇربەك قاجى ەسماعانبەت, الماتى قالاسى بوستاندىق اۋدانىنىڭ پروكۋرورى باۋىرجان جۇماقانوۆ قاتىستى. سونىمەن قاتار, شاراعا وتاندىق جەنە شەتەلدٸك ساراپشىلار, دٸني بٸرلەستٸكتەر مەن ٷەۇ جەنە ۇلتتىق مەدەني ورتالىقتار جەنە باق ٶكٸلدەرٸ, ارنايى جەنە قۇقىق قورعاۋ ورگاندارىنىڭ ارداگەرلەرٸ مەن قىزمەتكەرلەرٸ اتسالىستى.
شارا اياسىندا قازاقستان رەسپۋبليكاسى تەۋەلسٸزدٸگٸنٸڭ 25 جىلدىعىنا ارنالعان كٶرمە ۇيىمداستىرىلىپ, «قازٸرگٸ زامان دٸنٸ» تاقىرىبىنداعى كٸتاپتىڭ تانىستىرىلىمى جەنە «سالاۋات» قب بٸلٸم بەرۋ-مەدەني ورتالىعى ۇسىنعان «انتيتەررور – مەملەكەت پەن قوعام مٸندەتٸ» تاقىرىبىنداعى دەرەكتٸ فيلمنٸڭ كٶرسەتٸلٸمٸ ورىن الدى. سونداي-اق, «يسلام» جەنە «حريستيان» سەكتسييالارى جۇمىس ٸستەدٸ.
ەل-فارابي اتىنداعى قازۇۋ-دىڭ كورپوراتيۆتٸ باق جەنە قوعاممەن بايلانىس باسقارماسى
