Ortalyq sailaý komissiiasynyń múshesi Shavhat Ótemisovtiń sózinshe, Parlament Májilisiniń depýtaty Dinara Shúkijanova mindetterin atqarýdan óz erkimen bosatý týraly ótinish bergen.
"Osyǵan orai Ortalyq sailaý komissiiasy sizderdiń nazarlaryńyzǵa Konstitýtsiianyń 52-babyna, «Qazaqstan Respýblikasynyń Parlamenti jáne onyń depýtattarynyń mártebesi týraly» Konstitýtsiialyq Zańnyń 24-baby 3 jáne 8-tarmaqtaryna sáikes, Májilis depýtaty D. Shúkijanovanyń ótinish berýine bailanysty onyń ókilettiligin merziminen buryn toqtatý týraly máseleni sheshý úshin usynym engizip otyr», - dedi OSK ókili.
Jalpy otyrysta palata depýtattary atalǵan usynymǵa daýys berip, D.Shúkijanovanyń ókilettigin merziminen buryn toqtatý týraly sheshim qabyldady.
«Májiliske kelgenge deiin depýtattarǵa qandai orasan zor jumys pen jaýapkershilik júkteletinin bilmedim. Men Respublica partiiasynyń teń tóraǵasy bolyp qala beremin jáne halyq pen biznestiń múddesin qorǵaýdy jalǵastyramyn. Óńirdegi óndiriske oralyp jatyrmyn. Bul rette, elimizdiń ekonomikasyna odan ári paida ákeletinime senemin», - dedi Dinara Amanjelqyzy.
Foto: PARLAM.KZ
