Astanada Májilis depýtaty Edil Janbyrshinge qatysty qazaqstandyq azamattyń shaǵymy boiynsha sot isi bastaldy, dep habarlaidy Dalanews.kz.
Aryzdy Vitalii Shevchenko esimdi azamat bergen. Ol depýtattyń Facebook jelisindegi jazbasyn ózin qorlaityn dep sanap, sot arqyly málimetti «ar-namys pen qadir-qasietti kemsitetin» dep tanýdy jáne Janbyrshinnen kópshilik aldynda keshirim suratýdy talap etedi.
Talapkerdiń aitýynsha, depýtattyń jazbasy Qazaqstandaǵy LGBT ókilderiniń quqyqtary jónindegi talqylaý kezinde jariialanǵan. Aldymen Shevchenko Májiliske shaǵym joldaǵan. Alaida parlament apparaty depýtattyń áreketin pikir bildirý dep baǵalap, jaýapkershilikke tartýǵa negiz joq ekenin habarlaǵan. Sonymen qatar, Májilis janyndaǵy depýtattyq etika keńesiniń tóraǵasy Baqtyqoja Izmuhambetov azamatqa sotqa júginýdi usynǵan.
Osydan keiin Shevchenko Astananyń aýdanaralyq azamattyq sotyna talap aryz berdi. Sot «jaýapker taratqan málimetterdi qorlaityn jáne abyroi men qadir-qasietke nuqsan keltiretin dep taný, sondai-aq jaýapkerdi jariia túrde keshirim suraýǵa mindetteý» jónindegi isti qaraýǵa qabyldady.
14 qańtarda aldyn ala tyńdaý ótti. Kelesi sot otyrysy 22 qańtarǵa belgilengen.
