Biylǵy jyly sheteldik marketpleisterden biýdjetke túspei qalǵan tabys 250 mlrd teńgeden asady. Osylai degen Májilis depýtaty Azat Perýashev Qazaqstandaǵy sheteldik marketpleisterdiń jumys jaǵdailaryn synǵa aldy. Onyń keltirgen derekterine súiensek, 2023 jyly sheteldik marketpleister Qazaqstanǵa 505 mlrd teńgeniń taýaryn jetkizgen, al biýdjetke 24 mlrd teńge nemese ainalymnyń 4,8%-yn ǵana tólegen, dep jazady Dalanews.kz.
Depýtat atap ótkendei, bul kedendik bajdardan tolyqtai jaltarýdy tanytady.
"Sheteldik marketpleisterdiń jasaǵan operatsiialary boiynsha QQS-tan jaltarýynan biýdjet 2023 jyly óndiristegi jumys oryndarynan alynbaǵan JTS-ti esepke almaǵanda, 60 mlrd teńgeden astam qarajattan qaǵylyp otyr. Sarapshylardyń pikirinshe, týra sol importtalatyn taýarlar boiynsha qazaqstandyq marketpleisterdiń fiskaldyq júktemesi 16,3% -dy quraidy, iaǵni tórt ese joǵary. Jergilikti platformalar arqyly qyzmet júrgizetin qazaqstandyq kásipkerler 62%-ǵa deiin túrli alymdar tóleýge mindetti", - dedi Perýashev óziniń depýtattyq saýalynda.
Temu,Amazon jáne AliExpress siiaqty sheteldik marketpleister salyqtar men bajdardy tólemeýge tyrysady, óitkeni olar tikelei Qazaqstan ishinde jumys istep jatqan joq.
"Biz bul jaǵdaidy importqa salyq salýdaǵy úlken alshaqtyq dep sanaimyz, bul olarǵa qazaqstandyq óndirýshiler aldynda ádiletsiz básekelestik artyqshylyqtar alýǵa múmkindik beredi. Bul rette elektrondyq kommertsiia kólemi eki jyl saiyn eki esege artyp otyratynyn este ustaǵan jón. Biylǵy jyly sheteldik marketpleisterden biýdjetke túspei qalǵan aqsha 250 mlrd teńgeden asady. Bul kóp jaǵdaida qazaqstandyq kásiporyndardy yǵystyrý, olardyń jumys oryndaryn jabý syndy saldardy sipattaidy", - dep sózin tolyqtyrady májilismen.
Depýtat myna sharalardy usynady:
- Qazaqstannyń salyq organdarynda sheteldik marketpleisterdi mindetti tirkeý týraly talap engizilsin;
- Úndistannyń úlgisi boiynsha sheteldik marketpleister úshin qazaqstandyq alańdarmen jáne óndirýshilermen yntymaqtastyq jónindegi mindettemelerdi engizý týraly máselesi qarastyrylsyn;
- sheteldik tutynýshylar úshin qazaqstandyq tutynýshylardan alynǵan tabystardan alynǵan sekildi QQS jáne basqa da salyqtardy tóleýdi mindetteý;
- sheteldik saýda jelileri arqyly satylatyn bajsyz saýda parametrlerin tómendetý nemese nólge teńestirý máselesin qarastyrý;
- halyqaralyq tólem júielerimen integratsiialaý, servister men logistikany uiymdastyrýǵa járdemdesýdi qosa alǵanda, otandyq internet-kommertsiia men onyń qatysýshylary úshin memlekettik qoldaý sharalaryn ázirleý.
Perýashev bul sharalar, sondai-aq tiimsiz shyǵyndardy azaitý biýdjet tapshylyǵyn joiý is-qimylynda edáýir yqpal ete alady degen qorytyndyǵa keledi.
Buǵan deiin Úkimet sheteldik marketpleisterge qatysty zań kúsheitiletinin eskertip, osy rette saýda jáne integratsiia ministrligine birqatar tapsyrma berilgen. Qazir Qazaqstanda 101 sheteldik kompaniia tirkelgen, onyń ishinde Huawei, Aliexpress, Google, Apple, Netflix jáne basqa da halyqaralyq qurylymdar bar. 3 jyldyń ishinde bul kompaniialar 75 mlrd teńgege salyq tóledi. Byltyrǵy soma - 35 mlrd teńge. 2024 jyldyń sońynda Temu, Pinduoduo jáne Alibaba kompaniialar toby shartty tirkeýden ótti.
