Depýtattar iKOMEK109 qalalyq ortalyǵy qyzmetiniń jumysymen tanysty
«Nur-Sultan qalasynda foto-beinetirkeý jáne beinetaldaý apparattyq-baǵdarlamalyq keshenin qurý jáne paidalaný, Nur-Sultan qalasynda balabaqshalar salý jáne paidalanýǵa berý jónindegi memlekettik-jekeshelik áriptestik jobalaryn iske asyrý jónindegi jergilikti atqarýshy organnyń memlekettik mindettemelerdi qabyldaýy týraly» máselesi boiynsha Nur-Sultan qalasy máslihatynyń turaqty komissiialarynyń qoǵamdyq tyńdalymdary aiasynda qalalyq máslihat depýtattary iKOMEK109 qalalyq ortalyǵy qyzmetimen tanysty.
iKOMEK109 qalalyq ortalyǵynyń basshysy Jannat Dúbirova depýtattarǵa kommýnaldyq kásiporyndardyń, meditsinalyq uiymdar men ákimdik basqarmalarynyń barlyq bailanys ortalyqtaryn biriktiretin jáne qala turǵyndarymen bailanysatyn jalǵyz torap bolyp tabylatyn iKOMEK109 – tirshilikti qamtamasyz etý máseleleri boiynsha biryńǵai bailanys ortalyǵynyń jumysy týraly aityp berdi.
Sonymen qatar, depýtattar elorda qaýipsizdigi men tirshiligin qamtamasyz etýge táýlik boiy monitoring jasaý úshin qalada engiziletin qalalyq beinebaqylaý kameralary integratsiialanǵan iKOMEK jaǵdaiattyq monitoring ortalyǵynyń jumysyn qarady.
Munan basqa, kezdesý barysynda depýtattar «elordanyń tsifrlyq tehnologiialary»: BIG DATA qaǵidalarymen jumys jasaityn taldaý platformasymen, Qalany basqarý panelimen, qaladaǵy jaǵdaiatqa monitoring jasaýǵa arnalǵan mobildi qosymshamen tanysty.
Atap aitýymyz kerek, máslihat depýtattary iKOMEK qalalyq monitoring ortalyǵyn qurý tájiribesin joǵary baǵalady jáne iKOMEK109 biryńǵai bailanys ortalyǵyna ózderi júgingen jaittarmen bólisti.
Esterińizge sala keteiik, jyl basynan beri iKOMEK109 qalalyq ortalyǵy 1 290 000-nan astam ótinishti qabyldap, atqardy. Búgingi tańda turǵyndar ótinishteriniń 80% birinshi qońyraýdan-aq sheshiledi jáne bul kórsetkishti 85%-ǵa jetkizý josparlanyp otyr.
