Qyrǵyzstandyq depýtat Dastan Bekeshev jalǵyzbasty analarǵa jumys kúnin bir saǵatqa qysqartý múmkindigin qarastyrýdy usyndy, dep habarlaidy dalanews.kz.
Onyń aitýynsha, búginde eldegi kóptegen áielder balalaryn eshkimniń kómeginsiz tárbielep, barlyq jaýapkershilikti óz moinyna alyp otyr.
«Olar ári jumys isteidi, ári bala tárbiesimen ainalysady. Kóbiniń bala kútýshi jaldaýǵa múmkindigi joq, sondyqtan barlyq aýyrtpalyq analardyń iyǵyna túsedi. Olar kúndelikti tirshilik úshin kúresip júr. Kóp jaǵdaida jumystan suranyp ketýge májbúr bolady. Sondyqtan jańa Eńbek ministri jalǵyzbasty analarǵa jumystan bir saǵat erte ketýge ruqsat berý máselesin qarastyrýy kerek dep oilaimyn», – dedi depýtat.
Sonymen qatar Bekeshev bala asyrap alý rásimderin jeńildetý qajettigin de aitty. Onyń sózinshe, qazirgi tańda balalar úilerinde tárbielenip jatqan balalar áli de kóp. Sondyqtan jańa ministr bul baǵyttaǵy rásimderdi jeńildetýge nazar aýdarýy tiis.
Depýtattyń pikirinshe, bul sharalar jalǵyzbasty analardy qoldaýǵa jáne jetim balalardyń otbasynda tárbielený múmkindigin arttyrýǵa kómektesedi.
