Keshe “Egemen Qazaqstan” gazetinde jarıalanǵan maqalasynda Nazarbaev Úkimetke qazaq álipbıiniń jańa nusqasyn ǵalymdar men qoǵam ókilderimen aqyldasa otyryp jasaýdy tapsyrǵan-tuǵyn. Osyǵan baılanysty depýtat, komýnıs Irına Smırnova “bulaı istesek, “orys áleminen” alystap ketemiz” dep pusháıman bolǵan edi. Onyń bul oıdy qaıdan alǵany belgili-tuǵyn. Pýtınshyl Reseı kún-tún demeı, “orys álemi” týraly qaqsap keledi. Bul álemnen, ásirese, kezindegi KSRO quramynda bolǵan elderdi alystatqysy joq.
Irınaǵa ne joryq? Osylaı degen qazaq baspasózi kúni boıy depýtattyń ne aıtpaq bolǵanyn san-saqqa júgirtti.
Endi sol depýtatymyz oıyn durys túsindire almadym dep otyr. Ol komýnıstik partıanyń resmı saıtyna óziniń ókinetindigin jetkizipti. Ókinbeı qaıtsin, basqa emes, bul ıdeıany kótergen prezıdent qoı. Nazarbaevqa qarsy shyǵý depýtat úshin… Onyń óz sózinshe, jetkizbekshisi “orystyń klasıkalyq ádebıetin jastar oqymaı, kóp dúnıeden quralaqan qalady” bolǵanǵa uqsaıdy… Kim senedi? Prezıdenttiń tapsyrmasyna qarsy shyqqan depýtat ornynda otyra ma, álde mandatyn tapsyryp, «óz erkimen» kete me? Ony aldaǵy ýaqytta biletin bolamyz.
