كەشە “ەگەمەن قازاقستان” گازەتىندە جاريالانعان ماقالاسىندا نازاربايەۆ ۇكىمەتكە قازاق ءالىپبيىنىڭ جاڭا نۇسقاسىن عالىمدار مەن قوعام وكىلدەرىمەن اقىلداسا وتىرىپ جاساۋدى تاپسىرعان-تۇعىن. وسىعان بايلانىستى دەپۋتات، كوممۋنيست يرينا سميرنوۆا “بۇلاي ىستەسەك، “ورىس الەمىنەن” الىستاپ كەتەمىز” دەپ ءپۇشايمان بولعان ەدى. ونىڭ بۇل ويدى قايدان العانى بەلگىلى-تۇعىن. پۋتينشىل رەسەي كۇن-تۇن دەمەي، “ورىس الەمى” تۋرالى قاقساپ كەلەدى. بۇل الەمنەن، اسىرەسە، كەزىندەگى كسرو قۇرامىندا بولعان ەلدەردى الىستاتقىسى جوق.
يريناعا نە جورىق؟ وسىلاي دەگەن قازاق ءباسپاسوزى كۇنى بويى دەپۋتاتتىڭ نە ايتپاق بولعانىن سان-ساققا جۇگىرتتى.
ەندى سول دەپۋتاتىمىز ويىن دۇرىس تۇسىندىرە المادىم دەپ وتىر. ول كوممۋنيستىك پارتيانىڭ رەسمي سايتىنا ءوزىنىڭ وكىنەتىندىگىن جەتكىزىپتى. وكىنبەي ءقايتسىن، باسقا ەمەس، بۇل يدەيانى كوتەرگەن پرەزيدەنت قوي. نازاربايەۆقا قارسى شىعۋ دەپۋتات ءۇشىن… ونىڭ ءوز سوزىنشە، جەتكىزبەكشىسى “ورىستىڭ كلاسسيكالىق ادەبيەتىن جاستار وقىماي، كوپ دۇنيەدەن قۇرالاقان قالادى” بولعانعا ۇقسايدى… كىم سەنەدى؟ پرەزيدەنتتىڭ تاپسىرماسىنا قارسى شىققان دەپۋتات ورنىندا وتىرا ما، الدە مانداتىن تاپسىرىپ، «ءوز ەركىمەن» كەتە مە؟ ونى الداعى ۋاقىتتا بىلەتىن بولامىز.
