Májilis depýtaty Qaraqat Ábden áielderdiń jumys kúnin qysqartýdy usyndy, - dep habarlaidy Dalanews.kz.
2023 jyly memlekettik qyzmetshiler arasyndaǵy áielderdiń úlesi 55,7 paiyz bolǵan, alaida basshylyq qyzmette olar aitarlyqtai az, bary - 20,3 paiyz. Depýtattyń sózinshe, Táýelsizdik alǵan sátten bastap saiasi laýazymdarda qyzmet atqaratyn áielderdiń úlesi birde-bir ret 15 paiyzdan aspaǵan.
IPU Parline reitingine sáikes saiasattaǵy áielderdiń sany boiynsha Qazaqstan 183 eldiń ishinde 124-orynda tur.
Bul turǵyda kórshi Ózbekstannyń kórsetkishteri erekshe nazar aýdarady, onda jaqynda ótken parlamenttik sailaý qorytyndysy boiynsha Parlamenttiń zań shyǵarýshy palatasyndaǵy áiel depýtattardyń úlesi 38 paiyz bolǵan.
"Qazaqstanda aýdandyq máslihattardaǵy áielderdiń úlesi orta eseppen 21 paiyz bolady. Biraq bul kórsetkish aimaqtarda aitarlyqtai ózgeredi. Mysaly, Túrkistan oblysynda ol tek 6,5 paiyz bolady. Kvazimemlekettik sektorda negizgi laýazymdarda áli de er adamdar basym", - dedi ol.
Depýtattyń sózinshe, oblys ákimdikteriniń basshylyǵyndaǵy áielderdiń úlesi - nebári 10 paiyz, barlyq derlik oblystyq basqarmany er adamdar basqarady, al "áielder orynbasarlar retinde tynym tappaidy".
Qaraqat Ábden osy baǵytta birqatar mańyzdy usynys jasady:
- Skandinaviia elderiniń tájiribesine nazar aýdaryp, áielder úshin qysqartylǵan jumys kúnin engizý múmkindigin qarastyrý. Bul otbasy institýtyn nyǵaitýǵa yqpal etedi, jumys isteitin áielder bala tárbiesine kóbirek kóńil bóle alady.
- Bala kútimi boiynsha infraqurylymdy damytý, iaǵni táýlik boiy jumys isteitin balabaqshalar ashý, jumys oryndarynda balalar bólmelerin qurý qajet.
- Dekrettik demalysty eki jylǵa deiin uzartý.
- Jumys ornyndaǵy áielderdi qorǵaýǵa baǵyttalǵan quqyqtyq sharalardy kúsheitý.
