Májilis depýtaty Ekaterina Smyshliaeva ózine qońyraý shalǵan alaiaqty sońyna deiin ádeii tyńdap, onyń qalai áreket etetinin baqylaǵanyn aitty. Sóitken halyq qalaýlysy qaskói áreketiniń búge-shigesine deiin baiandap, kópti atalǵan alaqtyqtyń tuzaǵyna túsip qalmaýdy eskertedi, dep habarlaidy Dalanews.kz.
"Búgin men alaiaqtyqtyń jańa shemasyna tap boldym, basymnan ótkenimdi osy paraqshamda baiandap, maǵan jazylýshylarǵa eskertý jasaǵym keledi", - dep jazady Smyshliaeva Telegram-daǵy arnasynda.
Onyń málimetinshe, qazir kez kelgen adamǵa "Qazposhta", bank qyzmetkerleri, wildberries ókili qońyraý shalyp, sálemdemeni kýrer arqyly jiberetinin, tapsyrys joldaǵandaryn rastaý úshin jáne taǵy basqa da sebeptermen telefonǵa túsken SMS-habarlamadaǵy kodty aitýdy suraidy.
Qalai kodty aitasyz, solai telefonnyń arǵy jaǵyndaǵy adam sóilesýge onsha qulyq tanytpai qalady. Sóitip ádeii Sizde kúmán týdyrady. Osylai kúmándanyp turǵanyńyzda Sizge "bank ókili" habarlasady. Munyń barlyǵy kóbine WhatsApp nemese basqa arnalar arqyly júzege asyrylady.
"Olar Sizdiń shottaryńyz boiynsha kúdikti operatsiialardy anyqtaǵanyn jáne "qupiia kodty" bergendikten áldekimder jeke derekterińizge qol jetkizgenin aitady. Odan keiin alaiaqtyq týraly aryz jazýdy suraidy. Mine, osy aryzda karta nómirińizdń, taǵy da nesie alýǵa kerekti málimetter jazý suralady", dep jazady depýtat.
Munymen alaiaqtyq áreketi tyiylmady.
"Oibai, aqshańyzdy sheship alǵaly jatyr" degen dúrbeleńmen tez-tez ózderine kerekti qujattarǵa onlain turǵyda ózińizden ruqsat alyp, nesie rásimdep jiberedi. Al shyntýaitynda, eshqandai derekterińiz urlanbaǵan, qandai da bir shabýyl bolmaǵan. Barlyq málimet, kerisinshe osy bailanys kezinde ózińiz óz erkińizben usynyp jatasyz! Alaqtardan saq bolyńyzdar", dep túiindepti óz jazbasyn depýtat.
