Budan bólek Liberaldy-demokratiialyq partiianyń múshesi ári Namangan oblystyq keńesiniń depýtaty, Ulttyq teleradiokompaniiada rejisser bolyp jumys isteitin 50 jastaǵy Olimjon Týhtanazarov Shavkat Mirziiaevti álemdik Nobel syilyǵyna usyný kerek dep esepteidi.
– Ókilettigimdi paidalanyp, Shveitsariiadaǵy Nobel syilyǵynyń quryltaishylarynan (Nobel syilyǵyn Shvetsiia koroldik ǵylym akademiiasy usynady – Red.) Ózbekstan prezidentine Nobeldiń Beibitshilik syilyǵyn berýdi suraimyn, – dep málimdeidi Olimjon Týhtanazarov.
Ǵasyrdan astam tarihy bar Nobel syilyǵy jyl saiyn fizika, himiia, fiziologiia nemese meditsina, ádebiet jáne beibitshilikti nyǵaitý jolyndaǵy eńbekteri úshin beriledi.
Depýtat Olimjon Týhtanazarovtyń aitýynsha, prezident Mirziiaev joǵarydaǵy barlyq nominatsiialarǵa laiyq.
– Ol bul nominatsiialardyń bárine, «ádebiet» salasy úshin de laiyq. Ol ádebietti damytýǵa barlyq jaǵdai jasap otyr. Oǵan «beibitshilikti nyǵaitqany úshin» degen nominatsiia boiynsha da syilyq taǵaiyndaýǵa bolady. Ózbekstanda beibitshilik patshalyq quryp tur. Men tipten jaqynda shveitsarlyqtardyń (Shvetsiiamen shatastyryp tur – Red.) ózderi elge kelip, Iýrtbashyna (Ózbekstanda memleket basshysyn osylai ataidy – Red.) Nobel syilyǵyn tabystap ketedi dep oilaimyn, – deidi depýtat Olimjon Týhtanazarov.
