بۇدان بٶلەك ليبەرالدى-دەموكراتييالىق پارتييانىڭ مٷشەسٸ ەرٸ نامانگان وبلىستىق كەڭەسٸنٸڭ دەپۋتاتى, ۇلتتىق تەلەراديوكومپانييادا رەجيسسەر بولىپ جۇمىس ٸستەيتٸن 50 جاستاعى وليمجون تۋحتانازاروۆ شاۆكات ميرزيياەۆتٸ ەلەمدٸك نوبەل سىيلىعىنا ۇسىنۋ كەرەك دەپ ەسەپتەيدٸ.
– ٶكٸلەتتٸگٸمدٸ پايدالانىپ, شۆەيتساريياداعى نوبەل سىيلىعىنىڭ قۇرىلتايشىلارىنان (نوبەل سىيلىعىن شۆەتسييا كورولدٸك عىلىم اكادەميياسى ۇسىنادى – رەد.) ٶزبەكستان پرەزيدەنتٸنە نوبەلدٸڭ بەيبٸتشٸلٸك سىيلىعىن بەرۋدٸ سۇرايمىن, – دەپ مەلٸمدەيدٸ وليمجون تۋحتانازاروۆ.
عاسىردان استام تاريحى بار نوبەل سىيلىعى جىل سايىن فيزيكا, حيمييا, فيزيولوگييا نەمەسە مەديتسينا, ەدەبيەت جەنە بەيبٸتشٸلٸكتٸ نىعايتۋ جولىنداعى ەڭبەكتەرٸ ٷشٸن بەرٸلەدٸ.
دەپۋتات وليمجون تۋحتانازاروۆتىڭ ايتۋىنشا, پرەزيدەنت ميرزيياەۆ جوعارىداعى بارلىق نوميناتسييالارعا لايىق.
– ول بۇل نوميناتسييالاردىڭ بەرٸنە, «ەدەبيەت» سالاسى ٷشٸن دە لايىق. ول ەدەبيەتتٸ دامىتۋعا بارلىق جاعداي جاساپ وتىر. وعان «بەيبٸتشٸلٸكتٸ نىعايتقانى ٷشٸن» دەگەن نوميناتسييا بويىنشا دا سىيلىق تاعايىنداۋعا بولادى. ٶزبەكستاندا بەيبٸتشٸلٸك پاتشالىق قۇرىپ تۇر. مەن تٸپتەن جاقىندا شۆەيتسارلىقتاردىڭ (شۆەتسييامەن شاتاستىرىپ تۇر – رەد.) ٶزدەرٸ ەلگە كەلٸپ, يۋرتباشىنا (ٶزبەكستاندا مەملەكەت باسشىسىن وسىلاي اتايدى – رەد.) نوبەل سىيلىعىن تابىستاپ كەتەدٸ دەپ ويلايمىن, – دەيدٸ دەپۋتات وليمجون تۋحتانازاروۆ.
