Premer-ministrdiń orynbasary – QR Ulttyq ekonomika ministri Serik Jumanǵarin Májiliste jyl sońynda qomaqty dividentterge keńeletin qazaqstandyq bankterdiń aktsionerlerine de salyq salý týraly usynysqa qatysty jaýap berdi. Bul máseleni Májilis qabyrǵasynda depýtat Ermurat Bapi kóterdi, dep habarlaidy Dalanews.kz.
Onyń aitýynsha, Ortalyq Aziiadaǵy iri bankter Qazaqstanda ornalasqan.
"Bizdiń qazaqstandyq bankterde jinaqtalǵan somanyń mólsheri 55 trln teńgeni quraidy. Bul - Qazaqstannyń eki biýdjeti. Tipti, odan da asyp túsedi. Bankter jyl saiyn aktsionerlerine, qojaiyndaryna milliardtap dividendter tóleidi. Iri aktsionerler, tipti 100 mln teńgeden astam qarajat alady. Biraq, nege ekenin, olar salyq tóleýden bosatylǵan. Bankterdiń halyq aldyndaǵy jaýapkershiligin arttyrý úshin dividendterge salyq salýdy qarastyrý qajet dep sanaimyn, óitkeni bul aktsionerdiń alyp otyrǵan taza jáne jeke tabysy ǵoi", – dedi depýtat.
Ol 100 mln teńgege deiin divident alatyn aktsionerlerge 10%, al milliardtap alatyndarǵa 15%-ǵa deiin salyq salýdy usynady.
"Eger mundai usynys bolyp jatsa, onda biz óz tarapymyzdan ony qoldar edik. Biraq 100 millionnan tómen somaǵa qatysty biz buryn olarmen talqy júrgizgen emespiz, bul úlken soma dep sanaimyz. Endeshe aldymen biz taldaý júrgizeiik, sodan keiin 100 millionǵa deiingilerge 5%, al eger 100 millionnan asyp jatqandar bolsa, onda olarǵa 15% salyq salymyn salý jaiyn qarastyryp kórelik. Osylai kelsek, bizdińshe áldeqaida durysyraq bolady dep oilaimyz", – dedi Serik Jumanǵarin.
Buǵan deiin Serik Jumanǵarin bank operatsiialaryna da QQS salynatynyn aitqan edi.
