Depýtat Dáýlet Muqaev tusaý kesip júrgenin synaǵandarǵa jaýap berdi, dep habarlaidy Dalanews.kz.
Muqaev osy ýaqytqa deiin 3600 balanyń tusaýyn keskenin aitty.
"Onyń bárin tegin jasadym. Eshqandai "stavka" joq. Basqa tanymal adamdar siiaqty 500 dollar, 1000 dollar alyp júrgen joqpyn. Bári tegin. Alǵash 2016 jyly tusaý kestim. Sodan beri áleýmettik jelide kórgen adamdar, arnaiy Máskeýden, Atyraý, Aqtaýdan kelgender boldy. Árine neshe túrli pikir de, negativ te jazyp jatady", deidi depýtat.
Onyń sózinshe, depýtat 36 jastaǵy áieldiń tusaýyn kesken kez de bolǵan.
"36-38 jastaǵy áieldiń tusaýyn kestim. Ol kisi "men súrinshekpin, tusaýym ala jippen kesilmegen, yrymyn jasap berińizshi" dedi. Men kishkentai balanyń tusaýyn ǵana kesetinimdi aitamyn. Bul joly jolyn jaiyp qoiǵannan keiin bas tarta almadym", deidi Dáýlet Muqaev.
Ol tanymal bolǵanǵa deiin tek jaqyndarynyń tusaýyn keskenin aitady.
"Onda turǵan eshteńe joq dep oilaimyn. Ábestik dep oilamaimyn. Ol qazaqtyń dástúri. Ekinshiden, bizdiń dástúrge sińip jatqan ózge ult azamattary da bar. Osy ýaqytqa deiin orystyń da, káristiń de tusaýyn kestim. Onyń bári jumys ýaqytynan tys jasalyp jatqan áreket", dep túsindirdi depýtat.
