Depýtat Marat Bashimov Májilistiń plenarlyq otyrysynda Joǵary aýditorlyq palata (JAP) júrgizgen tekserýlerdiń nátijelerin qupiia qylý absýrd ekenin basa atap ótti. Halyq qalaýlysy Joǵary aýditorlyq palatanyń tóraǵasy Álihan Smaiylovtyń atyna joldaǵan saýalynda Qazaqstan zańdary barlyq qarjylai tekserýlerdiń ashyqtyǵyn talap etetinin eske saldy, dep habarlaidy Dalanews.kz.
"Qoǵam tarapynan suraqtar týyndaýda. Bizde qabyldanǵan mańyzdy aýditorlyq tekserýler bar. Biraq onyń qorytyndylary týraly ýaqtyly habar berile bermeidi. Mysaly, JAP saityn alalyq, onda 2022 jyldan beri júrgizilgen tekserýlerdiń nátijeleri tappaisyz, áli joq. Sońǵy jariialanǵan aýditorlyq qorytyndy 2022 jyldyń 11 tamyzy degen datamen tur. Aýyl sharýashylyǵy, MÁMS boiynsha tekserýler júrgizildi emes pe, al olardyń qorytyndysy qaida? Palata múshesi Nurlan Nurjanov aýditorlyq tekserýler boiynsha aqparat "qyzmettik tártip qujattary "(QBP) sanatyna jatqyzylýy múmkin qandai da bir kriteriiler baryn aitqan edi", - deidi depýtat.
Alaida, ol 2024 jyldyń jeltoqsanynda BAQ-ta "Nazarbaev Ýniversitetine" qatysty 73 mlrd teńgeniń tiimsiz jumsalǵany týraly aqparat paida bolǵanyn, al sol aýdit nátijeleri týraly áli tolyq aqparat jariialanbaǵanyn da atap ótti.
"Ýniversitet basshylyǵy tekserý nátijelerine qatysty el aldyna shyǵyp, ashyqtan ashyq túsinikteme berdi. Endeshe bul rette tolyq aqparatqa degen qoljetimdilikti shekteý ne sebepten týýda? Aýditorlardyń logikasy qyzyq: aqsha memlekettiki, iaǵni halyqtiki, qyzmet áleýmettik turǵydan mańyzdy, biraq ol qandai da bir jaǵdaida qupiia bolyp tabylady eken. Qymbatty áriptester, bilim berý, meditsina jáne áleýmettik salalardyń máseleleri qupiialylyqqa jatpaýy tiis, ol bir áskeri nemese quqyq qorǵaý salasynyń biýdjeti emes qoi", - dedi Marat Bashimov.
Osyǵan bailanysty depýtat JAP-tan 2022-2024 jyldary júrgizilgen tekserý nátijelerin jariialaýdy talap etti.
Aita ketsek, Joǵary aýditorlyq palatanyń tóraǵasy Álihan Smaiylov ótken jyly shamamen 11 trln teńgeni qamtityn 214 nysanda 27 aýditorlyq is-shara ótkizilgenin habarlady. Nátijesinde 862 mlrd teńge somasyna buzýshylyqtar anyqtaldy, tekserý qorytyndysy boiynsha biýdjetke 135 mlrd teńge qaitaryldy.
