Al bul joly halyq qalaýlysy «Nur Otan» partıasynyń Keles aýdandyq fılıalynyń úılestirýimen týǵan jerin de nazardan tys qaldyrmaı «BizBirgemiz» aksıasy aıasynda óz qarjysyna Keles aýdanyndaǵy 200 otbasyǵa 1,5 mln teńgelik azyq-túlik jiberip, qamqorlyq kórsetti. Naqtyraq aıtsaq, sebetke kiretin azyq-túlik ishinde 200 qap un, 200 lıtr ósimdik maıy jáne 500 keli kúrish bar.
Atalǵan azyq-túlikti aýdandyq fılıaldyń bastaýysh partıa uıymdary jáne «Jas Otan» jastar qanaty belsendileri men Keles aýdandyq Jastar resýrstyq ortalyǵynyń erikti jastary arqyly partıanyń «Ardagerlerdi ardaqtaıyq», «Kedergisiz keleshek» jáne «Baqytty otbasy» jobalary negizinde aýdandaǵy 12 aýyl okrýgindegi turmysy tómen, muqtaj 200 otbasyǵa úlestirip berdi.
Túrkistan oblysynyń Óńirlik komýnıkasıalar qyzmeti
