Depýtat Edil Jańbyrshın munaı kompanıasynyń basshysyn synǵa aldy, dep habarlaıdy Dalanews.kz.
Búgin Májiliste munaı kompanıalarynyń Qazaqstanda taýardy az kólemde satyp alyp, kóbine Qytaıdan ákeletini talqylandy.
Otyrysta «Maten Petroleým» AQ-nyń bas dırektory Lú Szınchen kompanıanyń qazaqstandyq taýar óndirýshilermen bar bolǵany alty ǵana uzaqmerzimdi kelisimsharty bar ekenin aıtty. Alaıda ol bul kelisimder naqty qaı kásiporyndarmen jasalǵanyn ataı almady, jaýap berý kezinde únemi orynbasaryna qarap otyrdy.
Bul jaǵdaı Májilis depýtaty Edil Jańbyrshınge unamady. Ol munaı kompanıalary otyrystyń kún tártibin aldyn ala bilgenin, sondyqtan qandaı kompanıalarmen jáne qandaı taýarlarǵa kelisimshart jasalǵany «aýyzdarynan avtomatty túrde aıtylýy tıis» ekenin qatań túrde aıtty. Ásirese kelisimsharttar sany nebári altaý ǵana bolsa, mundaı aqparatty bilmeý orynsyz ekenin atap ótti.
