Májilis otyrysynda depýtat Baqytjan Bazarbek «SK-Farmasıa» kompanıasynyń jumysyn qatań synǵa aldy, - dep habarlaıdy Dalanews.kz.

Onyń aıtýynsha, kompanıa jumysyna engizilgen jańa tásilder eshqandaı oń nátıje bermeı, kerisinshe, dári-dármek baǵasynyń eki esege kóterilýine jáne 14 mıllıard teńgeden astam shyǵynǵa ákelgen.

Sondaı-aq depýtat Densaýlyq saqtaý mınıstrligi tarapynan logıstıkalyq qyzmetterdi satyp alýdyń jańa modeline qatysty sheshimderdiń ýaqytyly qabyldanbaýy saldarynan, 2025 jyldyń alǵashqy tórt aıynda memleket 748 mıllıon teńge únemdeı almady dep málimdedi.

Jetkizý júıesiniń buzylýyna baılanysty medısınalyq uıymdar dári-dármekti qymbat baǵamen satyp alýǵa májbúr bolǵan.

Baqytjan Bazarbek tek basshylyqty qyzmetinen bosatý jetkiliksiz ekenin aıtyp, qylmystyq is qozǵaýdy talap etti.