Májilis depýtaty Baqytjan Bazarbek tsifrlandyrý arqyly memlekettik qyzmetkerlerdiń sanyn qysqartý kerek ekenin aitty, dep habarlaidy Dalanews.kz.
Depýtattyń pikirinshe, búgin únemdep, qysqartpasaq, erteń qaryz qysa túsedi.
"Jasandy intellekt aiasynda, memlekettik qyzmet - bárin tsifrlandyrý aiasynda birtindep-birtindep, 2026 jyldan bastap tolyǵymen memlekettik apparatty qysqartýymyz kerek. Odan barlyǵy qorqady, Úkimet te qorqady. 2026 jyldan bastap memlekettiń shyǵyndaryn qysqartpasaq, úlken qaryzymyz erteń bizdi qysyp otyrady. Sondyqtan birtindep "Samuryq-Qazyna" ulttyq ál-aýqat qory", odan keiin Báiterek ulttyq kompaniialarynyń ákimshilik apparatyn qysqartýymyz kerek", - dedi ol.
Baqytjan Bazarbek bul protsesste ministrlikter de shet qalmaý kerek ekenin jetkizdi.
"Ministrlikterdi dereý qysqartýymyz kerek. Eki-úsh ministrlikti biriktirý kerek. Kishkentai ǵana sany bar Qazaqstan Respýblikasyna osynshama ministrlik qajet emes. Mysaly Sý ministrligi men Ekologiia ministrligin qosa salýǵa bolady. Qarjy ministrligi men Ulttyq ekonomika ministrligin qosa salýǵa bolady. Indýstriia ministrligi men Ónerkásip, Kólik ministrligin qosa salýǵa bolady. Árbir ministrdiń keminde bes-alty orynbasary bar. Ol orynbasarlardyń sanyn keminde ekeý qaldyrý kerek, tórt orynbasardy qysqartý qajet. Basqasha aitqanda, shyǵyndy azaitýymyz kerek", - dedi depýtat.
