Qazaqstanda memlekettik qyzmette jańa basshy kelse, onymen birge tutas komanda aýysatyn jaǵdailar jii kezdesedi. Májilis depýtaty Baqytjan Bazarbek bul tájiribeni toqtatý qajet ekenin málimdedi, dep habarlaidy Dalanews.kz.
Plenarlyq otyrysta ol mundai aýys-túiisti «komandalyq sóz bailasý» dep atap, basshy ketkenimen, qyzmetkerler ornynda qalýy kerek ekenin aitty.
"Komandalyq jumys, komandalyq sóz bailasý týraly biz 10 jyldan beri aityp kelemiz. Bizde ákim aýyssa, tutas komanda aýysady. Bul máseleni de 10 jyldan beri kóterip júrmiz. Osyndai komandalyq aýysýdy toqtatýymyz kerek. Jańa ministr, jańa ákim taǵaiyndalsa, burynǵy komanda ornynda qalýy tiis", – dedi Bazarbek memlekettik qyzmet týraly zań jobasyn talqylaý kezinde.
Sonymen qatar depýtat memlekettik qyzmetkerler úshin juma kúnin «shyǵarmashylyq kún» etý týraly usynys aitty.
