Májilis depýtaty Ermurat Bapi sport salasyndaǵy taǵy bir máseleni ashyq aitty. Bapidyń sózinshe, jergilikti aimaqtyq jáne respýblikalyq sport federatsiialary derbes jumys isteidi, osy tusta reforma jasaityn ýaqyt jetken,- dep habarlaidy Dalanews.kz.
Depýtat bul jaǵdai múddeler qaqtyǵysyna jáne jaýapkershilik salǵyrttyǵyna ákep soqtyratynyn da aitty.
Bapi Májiliste synǵa qalǵan fýtbol federatsiiasy klýbtardy alalaýǵa kóshkenin de málim etti.
"Ministrlik pen sport federatsiialary arasyndaǵy qarym-qatynasty reformalaityn ýaqyt keldi. Máselen, keibir salalyq sport federatsiialary "ózim bilemdikke" salynyp jatyr. Májilistiń jýyqtaǵy jalpy otyrysynda depýtat Qazybektiń synyna ushyraǵan fýtbol federatsiiasy fýtbol klýbtaryn alalaýǵa kiristi. Mysal úshin Oral qalasynyń "Aq jaiyq" klýby qarjylandyrýdan qaǵylyp, jabylyp qalýdyń aldynda tur", - dedi ol.
Ermurat Bapidyń pikirinshe, keibir sport federatsiialarynyń quryltaishylary da klandyq negizde jasaqtalǵan.
"Ýshý jáne kýng-fý federatsiiasynyń quryltaishylary klandyq negizde jasaqtalyp, jekemenshik federatsiiaǵa ainalyp ketken. Sonyń saldarynan Álem chempionatynyń júldegerleri Qazaqstan qurama komandasyna alynbai, sportshylar sport ákimshilikteriniń esigin tozdyryp, shaǵymdanýǵa májbúr bolyp júr.
Sondai-aq ministrlikke qatysty jekelegen arnaiy sport kolledjderinde talantty jas sportshylardy alalaý derekteri kezdesedi. Iri halyqaralyq týrnirge kolledj basshylarynyń "liýbimchikteri" barady, al talantty jastar shet qaqpai qalady. Ulttyq namys pen memlekettik múdde ádirem qalǵan bul jerlerde", - deidi depýtat.
