Bangladesh prezidenti Muhammed Shahabýddin qyzmetinen ketý týraly ótinish berdi, dep habarlaidy dalanews.kz.
Shahabýddin bul aqparatty bdnews24.com basylymynyń jýrnalisterine ózi rastaǵan.
"Bul týraly bári bilip qoidy. Ony menen estýdiń qandai máni bar? Densaýlyǵym syr berdi, sondyqtan sheshim qabyldandy", – dedi ol.
Muhammed Shahabýddin The Daily Star basylymyna bergen pikirinde de densaýlyǵyna bailanysty túrli máseleler bar ekenin málimdegen. Basylymnyń dereginshe, prezident ákimshiliginiń ókilderi otstavka týraly hatty tapsyrý úshin parlamentke barǵan.
Buǵan deiin birneshe kún boiy Shahabýddinniń prezidenttik qyzmetten merziminen buryn ketýi múmkin ekeni týraly aqparat taraǵan edi.
Mundai boljamdardyń paida bolýyna prezidenttiń Bangladeshtiń burynǵy premer-ministri Sheih Hasinamen sóilesýi múmkin ekeni týraly habarlar sebep bolǵan. The Daily Star derekkózderiniń málimetinshe, olar mamyr aiynda Shahabýddin Londonda emdelip júrgen kezde telefon arqyly sóilesýi yqtimal. Alaida bul aqparat resmi túrde rastalǵan joq.
Sheih Hasina 2024 jyldyń tamyzynda eldegi jappai narazylyqtar men biliktiń aýysýynan keiin Bangladeshten ketip, Úndistanǵa barǵan.
Muhammed Shahabýddin Bangladesh prezidenti qyzmetine 2023 jyldyń sáýirinde kirisken. Onyń kandidatýrasyn sol kezde Sheih Hasina basqarǵan "Avami lig" partiiasy usynǵan. Prezident sailaýyna basqa kandidat qatyspaǵan.
Saiasatqa kelgenge deiin Shahabýddin sýdia bolyp jumys istegen. Sondai-aq Bangladeshtiń Sybailas jemqorlyqqa qarsy komissiiasynyń basshylyǵynda qyzmet atqarǵan.
