Almatyda úiindi astynda jatqan adamdardy izdeýge arnalǵan radar kóptep satyp alyna bastaǵan, - dep habarlaidy Dalanews.kz.
Jaqynda jýrnalist Mihail Kozachkov memlekettik satyp alý saityndaǵy lotqa kózi shalyp qalǵan. Almatyda úiindi astynda jatqan adamdardy izdeý úshin 5 radar satyp alynǵan. Ol úshin memleketten 53,5 million teńge bólingen.
Bul aqparatqa qatysty Almatynyń qutqarý qyzmeti pikir bildirdi. Olardyń sózinshe, bul quraldardy satyp alý ótken jyldan beri josparlanǵan kórinedi.
"Onyń ishinde shatyrly qalashyq, qural-jabdyqtar, gidroqutqarý quraldary, úiindi astynan zardap shekkenderdi anyqtaýǵa arnalǵan qurylǵylar da bar. Qutqarýshylar mindetteriniń qatarynda ártúrli tabiǵi jáne tehnogendik sipattaǵy tótenshe jaǵdailar kezindegi jumys bar. Mysaly, kóshkin, qar kóshkini, jarylys, zardap shekkenderdiń ornyn tez arada anyqtaý qajet", - deidi uiym ókilderi.
Aita keteiik, Almatyda 4 naýryzda 12.22-de 5 baldyq jer silkinisi bolǵan edi. Artynsha jaýapty vedomstvolar Almatyda joiqyn jer silkinisi bolmaidy dep sendirgen bolatyn.
