الماتىدا ٷيٸندٸ استىندا جاتقان ادامداردى ٸزدەۋگە ارنالعان رادار كٶپتەپ ساتىپ الىنا باستاعان, - دەپ حابارلايدى Dalanews.kz.
جاقىندا جۋرناليست ميحايل كوزاچكوۆ مەملەكەتتٸك ساتىپ الۋ سايتىنداعى لوتقا كٶزٸ شالىپ قالعان. الماتىدا ٷيٸندٸ استىندا جاتقان ادامداردى ٸزدەۋ ٷشٸن 5 رادار ساتىپ الىنعان. ول ٷشٸن مەملەكەتتەن 53,5 ميلليون تەڭگە بٶلٸنگەن.
بۇل اقپاراتقا قاتىستى الماتىنىڭ قۇتقارۋ قىزمەتٸ پٸكٸر بٸلدٸردٸ. ولاردىڭ سٶزٸنشە, بۇل قۇرالداردى ساتىپ الۋ ٶتكەن جىلدان بەرٸ جوسپارلانعان كٶرٸنەدٸ.
"ونىڭ ٸشٸندە شاتىرلى قالاشىق, قۇرال-جابدىقتار, گيدروقۇتقارۋ قۇرالدارى, ٷيٸندٸ استىنان زارداپ شەككەندەردٸ انىقتاۋعا ارنالعان قۇرىلعىلار دا بار. قۇتقارۋشىلار مٸندەتتەرٸنٸڭ قاتارىندا ەرتٷرلٸ تابيعي جەنە تەحنوگەندٸك سيپاتتاعى تٶتەنشە جاعدايلار كەزٸندەگٸ جۇمىس بار. مىسالى, كٶشكٸن, قار كٶشكٸنٸ, جارىلىس, زارداپ شەككەندەردٸڭ ورنىن تەز ارادا انىقتاۋ قاجەت", - دەيدٸ ۇيىم ٶكٸلدەرٸ.
ايتا كەتەيٸك, الماتىدا 4 ناۋرىزدا 12.22-دە 5 بالدىق جەر سٸلكٸنٸسٸ بولعان ەدٸ. ارتىنشا جاۋاپتى ۆەدومستۆولار الماتىدا جويقىن جەر سٸلكٸنٸسٸ بولمايدى دەپ سەندٸرگەن بولاتىن.
