Dáýren Abaev "Otkrytyı dıalog 2.0" baǵdarlamasyna kelip, jýrnalıs Alekseı Trýhachevtiń suraqtaryna jaýap berdi. Olardyń biri túrki ıntegrasıasyna qatysty boldy.
"Prezıdent Toqaevtyń Túrki memleketteri uıymynyń yntymaqtastyǵy keńesine qatysýy qoǵam tarapynan, sonyń ishinde sarapshylardyń, saıasattanýshylardyń da úlken qyzyǵýshylyǵyn týdyrdy. Qazaqstan syrtqy saıası yntymaqtastyǵy boıynsha alǵysharttaryn ózgertip, tipti túrki baǵyty barlyq basqa qarym-qatynastardyń balamasyna aınalady dep tujyrym keltirgen maqalalar da boldy", – dep júrgizýshi áńgimege tartty.
Buǵan QR Prezıdenti Ákimshiligi basshysynyń birinshi orynbasary Dáýren Abaev bylaı dep jaýap berdi:
"Birinshiden, biz syrtqy saıasattaǵy basymdyqtardy ózgertpeımiz. Túrki álemi árqashan onyń negizgi vektorlarynyń biri bolyp tabylady. Bul týraly Elbasy da, prezıdent te talaı ret aıtqan bolatyn. Bizdiń búkil ońtústik shekaramyz – Kaspııden Alataýǵa deıin – tarıhı, mádenı, rýhanı baılanystardy aıtpaǵanda, túrki elderimen shektesedi.
Ekinshiden, Qazaqstan bireýge qarsy basqalarymen eshqashan dos bolǵan emes. Kerisinshe, bizdiń kópvektorly jáne pragmatızm úlgisi bolyp tabylatyn syrtqy saıasatymyzdyń máni barlyq "álemdik saıasattyń polústerimen" barynsha tıimdi jáne áriptestik qarym-qatynastar qurý bolyp tabylady.
Biz Reseımen, Qytaımen, AQSH-pen odaqtastyq qarym-qatynastamyz, Eýropalyq Odaqpen strategıalyq seriktestiktemiz.
Biz birqatar uıymdarǵa múshe, kelisimderge ıe bola otyryp, alǵa damımyz. Sondyqtan, jartylaı ymdap, dolbar jasaıtyn, shala búlinip, aıǵaıǵa "attan" qosatyn mundaı maqalalardyń barlyǵy túk joqtan bardy izdeýge uqsaıdy, basqa dáneme de emes".
https://www.youtube.com/watch?v=BPngMqXLd_A
