داۋرەن ابايەۆ "وتكرىتىي ديالوگ 2.0" باعدارلاماسىنا كەلىپ، جۋرناليست الەكسەي ترۋحاچيەۆتىڭ سۇراقتارىنا جاۋاپ بەردى. ولاردىڭ ءبىرى تۇركى ينتەگراسياسىنا قاتىستى بولدى.
"پرەزيدەنت توقايەۆتىڭ تۇركى مەملەكەتتەرى ۇيىمىنىڭ ىنتىماقتاستىعى كەڭەسىنە قاتىسۋى قوعام تاراپىنان، سونىڭ ىشىندە ساراپشىلاردىڭ، ساياساتتانۋشىلاردىڭ دا ۇلكەن قىزىعۋشىلىعىن تۋدىردى. قازاقستان سىرتقى ساياسي ىنتىماقتاستىعى بويىنشا العىشارتتارىن وزگەرتىپ، ءتىپتى تۇركى باعىتى بارلىق باسقا قارىم-قاتىناستاردىڭ بالاماسىنا اينالادى دەپ تۇجىرىم كەلتىرگەن ماقالالار دا بولدى"، – دەپ جۇرگىزۋشى اڭگىمەگە تارتتى.
بۇعان ق ر پرەزيدەنتى اكىمشىلىگى باسشىسىنىڭ ءبىرىنشى ورىنباسارى داۋرەن ابايەۆ بىلاي دەپ جاۋاپ بەردى:
"بىرىنشىدەن، ءبىز سىرتقى ساياساتتاعى باسىمدىقتاردى وزگەرتپەيمىز. تۇركى الەمى ءارقاشان ونىڭ نەگىزگى ۆەكتورلارىنىڭ ءبىرى بولىپ تابىلادى. بۇل تۋرالى ەلباسى دا، پرەزيدەنت تە تالاي رەت ايتقان بولاتىن. ءبىزدىڭ بۇكىل وڭتۇستىك شەكارامىز – كاسپييدەن الاتاۋعا دەيىن – تاريحي، مادەني، رۋحاني بايلانىستاردى ايتپاعاندا، تۇركى ەلدەرىمەن شەكتەسەدى.
ەكىنشىدەن، قازاقستان بىرەۋگە قارسى باسقالارىمەن ەشقاشان دوس بولعان ەمەس. كەرىسىنشە، ءبىزدىڭ كوپۆەكتورلى جانە پراگماتيزم ۇلگىسى بولىپ تابىلاتىن سىرتقى ساياساتىمىزدىڭ ءمانى بارلىق "الەمدىك ساياساتتىڭ پوليۋستەرىمەن" بارىنشا ءتيىمدى جانە ارىپتەستىك قارىم-قاتىناستار قۇرۋ بولىپ تابىلادى.
ءبىز رەسەيمەن، قىتايمەن، اقش-پەن وداقتاستىق قارىم-قاتىناستامىز، ەۋروپالىق وداقپەن ستراتەگيالىق سەرىكتەستىكتەمىز.
ءبىز ءبىرقاتار ۇيىمدارعا مۇشە، كەلىسىمدەرگە يە بولا وتىرىپ، العا داميمىز. سوندىقتان، جارتىلاي ىمداپ، دولبار جاسايتىن، شالا ءبۇلىنىپ، ايعايعا "اتتان" قوساتىن مۇنداي ماقالالاردىڭ بارلىعى تۇك جوقتان باردى ىزدەۋگە ۇقسايدى، باسقا دانەمە دە ەمەس".
https://www.youtube.com/watch؟v=BPngMqXLd_A
