- Abzal Eraliev myrzanyń kompaniialary jyl saiyn aýyldaǵy maly bar otbasylarǵa 150-200 túk shópty tegin beretin boldy.
- Aldaǵy qystan bastap aýyldaǵy ár otbasyna 2 tonna kómirdi tegin túsiredi. Bul naqty kómek dep sanaimyn.
- Aýylǵa gaz jetken kezde sol gazdy ár úige tartý úshin tehnikamen tegin kómek kórsetedi.
- Jaiylym jerlerin 1 maýsymnan bastap jabýǵa olar májbúr, sebebi mal kúrishtiń alqaptaryn kirse ónim shyqpai qalady. Biraq 10 qyrkúiekten bastap jaiylymdar ashýǵa ýádesin berdi.
- 2016 jyly konkýrs arqyly jer paidalaný quqyqtary boiynsha satyp alǵan 240 gektar jaiylymdardy olar jyrtyp alǵan soń aýylǵa qaitara almaidy.
- Aýyldyń adamdaryna bilik-organ tarapynan qýdalaý toqtatylady, biz buny Abzal Eraliev myrzamen ekeýimiz baqylaýǵa alamyz dep kelistik.
- Jumysqa alǵan kezde jergilikti halyqqa basa mán beriledi.
- Budan buryn aýylǵa kórsetken (115 mln teńgege, az emes) áleýmettik kómegin – balalarǵa tegin sport sektsiia, aǵylshyn tilin úiretý syndy kómekterin Abzal Eraliev toqtatpaidy.
- Bul aýyldyń jer daýy qalai, neden shyqty, tolyǵymen zań saraptamany jasatamyz dep kelistik, nátijelerin jariialaimyz.
- Budan bylai jergilikti belsendilerimen Abzal Eraliev myrza tyǵyz jumys jasaýǵa daiyn. Meniń usynysym – Aýyldyń keńesi nemese Baqylaý keńes – sondai birdeme ashyp, soǵan tek ózine jaqyn adamdardy emes, shynaiy belsendilerdi qosyp birge aqyldasyp jumys isteý kerek.
Óz basym bul aýylǵa tek jaqsylyqty tileimin. Aýylǵa kelip, irtki salyp, daý-damaidy qozdyrdy degen jalǵan sóz. Men jergilikti halyq ózderi shaqyrǵan soń ǵana bardym. Olar maǵan ushaqqa bilet satyp alyp, qonaq úige bólme jaldap, et asyp shyqyrdy. Aýylda 2 myń adam tursa (balalarmen birge sanaǵanda) hatqa 500-júzden astam adam qol qoiǵanyn kórdińizder ǵoi.
Abzal Eraliev myrza sóz joq isker adam, budan buryn aýylǵa kórsetken kómegin joqqa shyǵarmaimyn. Biraqta isker adam jergilikti halyqpen óz tabysymen bólisý kerek. Óitkeni aýyldyń turǵyndary jaiylymnan aiyrlyp, jumyssyz qalsa ne isteidi? Qalada daiyn jumys kútip turǵan joq qoi.
– Negizi jer, pai máselesi bir aýyldaǵy problemasy emes, ol jalpy respýblikaǵa tán másele. Bul jerde zań nemese sot arqyly daýdy sheshe almaimyz. Burynǵy zań shiki bolǵan soń aýyldaǵy jurt óz jer pailarynan aiyrylyp qaldy. Sondyqtan bul jerde respýblika boiynsha saiasi sheshim qabyldaný qajet. Men bul taqyrypty prezidenttiń aldynda kóterem, biraq maǵan halyqtyń qoldaý kerek bolady, – dep Muhtar Taijan oiyn túiindepti.
