Daý bolǵan Almaty ippodromy memleket menshigine qaitpaidy, dep habarlaidy Dalanews.kz.
Bul týraly Almaty ákiminiń orynbasary Beibit Shahanov aitty.
«Qoldanystaǵy bas jospar bul aýmaqta ippodromnyń saqtalýyn qarastyrady. Josparǵa usynylyp jatqan túzetýlerde de ony osy jerde qaldyrýdy biz mindetti shart retinde qoiyp otyrmyz. Qazir ony memleket menshigine satyp alý máselesi qarastyrylyp jatqan joq», - dedi ol.
Birqatar buqaralyq aqparat quraly men áleýmettik jelilerde Almaty ippodromynyń aýmaǵynda turǵyn úi kesheni salynady degen aqparattyń taralýyna bailanysty "Tengri Invest" JShS resmi túrde bul málimetterdiń shyndyqqa janaspaitynyn habarlady.
Almaty ippodromy – tarihy tereń ári mádeni mańyzy zor nysan bolyp qala beredi. Munda dástúrli túrde elimizdegi at sporty men ulttyq mádenietti nasihattaýǵa baǵyttalǵan iri sporttyq jáne qoǵamdyq is-sharalar ótkizilip keledi.
