«Dástúrli qundylyqtar kerýeni» Kentaýǵa keldi
Jastar ortalyǵyna jinalǵan kópshilik arnaiy beinerolikti tamashalady. Beinerolikte baiqaýsyzda áleýmettik jeli arqyly keraǵar dini aǵymdardyń aqparattaryn taratqan jastardyń isti bolyp, temir torǵa toǵytylǵany baiandalǵan.
Jiynnyń máni men mańyzyn keń kólemde atap ótken Kentaý qalasynyń ákimi Ábdibaqyt Maqulbaev kópshilikti erkin pikir almasýǵa shaqyrdy. Túrkistan oblysy din isteri basqarmasy «Din máselelerin zertteý ortalyǵy» KMM-niń teolog, dintanýshy mamany Faizýlla Taiteliev baiypty baiandama jasap, jastardyń jat aǵymdardyń jeteginde ketýiniń basty sebepteri men kúres joldaryn túsindirdi. Al, oblystyq halyq shyǵarmashylyǵy ortalyǵynyń bólim basshysy Sholpan Mamythanova «Máńgilik eldiń máńgilik qundylyǵy – ulttyq salt dástúr» atty taqyrypta jan-jaqty aityp ótti.
Túrkistan oblysy din isteri basqarmasy «Din máselelerin zertteý ortalyǵy» KMM direktorynyń orynbasary Mádi Besbaev keraǵar aǵymdarmen kópshilik bolyp kúresý qajettigin jetkizdi. Sondai-aq, bul is-sharanyń árbir aýylda ótýi kerektigi jóninde usynysyn bildirdi.
Qalalyq aqsaqaldar alqasynyń tóraǵasy Muratbek Abdýllaev salt-dástúr jaiyndaǵy oramdy oilaryn ortaǵa saldy. Jiyn sońynda kópshilik tarapynan aitylǵan usynys-pikirler men suraqtarǵa jaýaptar berildi.
Dalanews.kz
