«دەستٷرلٸ قۇندىلىقتار كەرۋەنٸ» كەنتاۋعا كەلدٸ
جاستار ورتالىعىنا جينالعان كٶپشٸلٸك ارنايى بەينەروليكتٸ تاماشالادى. بەينەروليكتە بايقاۋسىزدا ەلەۋمەتتٸك جەلٸ ارقىلى كەراعار دٸني اعىمداردىڭ اقپاراتتارىن تاراتقان جاستاردىڭ ٸستٸ بولىپ, تەمٸر تورعا توعىتىلعانى باياندالعان.
جيىننىڭ مەنٸ مەن ماڭىزىن كەڭ كٶلەمدە اتاپ ٶتكەن كەنتاۋ قالاسىنىڭ ەكٸمٸ ەبدٸباقىت ماقۇلباەۆ كٶپشٸلٸكتٸ ەركٸن پٸكٸر الماسۋعا شاقىردى. تٷركٸستان وبلىسى دٸن ٸستەرٸ باسقارماسى «دٸن مەسەلەلەرٸن زەرتتەۋ ورتالىعى» كمم-نٸڭ تەولوگ, دٸنتانۋشى مامانى فايزۋللا تايتەليەۆ بايىپتى بايانداما جاساپ, جاستاردىڭ جات اعىمداردىڭ جەتەگٸندە كەتۋٸنٸڭ باستى سەبەپتەرٸ مەن كٷرەس جولدارىن تٷسٸندٸردٸ. ال, وبلىستىق حالىق شىعارماشىلىعى ورتالىعىنىڭ بٶلٸم باسشىسى شولپان مامىتحانوۆا «مەڭگٸلٸك ەلدٸڭ مەڭگٸلٸك قۇندىلىعى – ۇلتتىق سالت دەستٷر» اتتى تاقىرىپتا جان-جاقتى ايتىپ ٶتتٸ.
تٷركٸستان وبلىسى دٸن ٸستەرٸ باسقارماسى «دٸن مەسەلەلەرٸن زەرتتەۋ ورتالىعى» كمم ديرەكتورىنىڭ ورىنباسارى مەدي بەسباەۆ كەراعار اعىمدارمەن كٶپشٸلٸك بولىپ كٷرەسۋ قاجەتتٸگٸن جەتكٸزدٸ. سونداي-اق, بۇل ٸس-شارانىڭ ەربٸر اۋىلدا ٶتۋٸ كەرەكتٸگٸ جٶنٸندە ۇسىنىسىن بٸلدٸردٸ.
قالالىق اقساقالدار القاسىنىڭ تٶراعاسى مۇراتبەك ابدۋللاەۆ سالت-دەستٷر جايىنداعى ورامدى ويلارىن ورتاعا سالدى. جيىن سوڭىندا كٶپشٸلٸك تاراپىنان ايتىلعان ۇسىنىس-پٸكٸرلەر مەن سۇراقتارعا جاۋاپتار بەرٸلدٸ.
Dalanews.kz
