Dariǵa Nazarbaevanyń Astananyń ortalyǵyndaǵy rezidentsiialarynyń biri súriledi. Bul týraly "Vyhod k moriý" arnasy jazdy, - dep habarlaidy Dalanews.kz.
Derekkóz málimetinshe, elordada Esil ózeniniń jaǵasynda Nursultan Nazarbaevtyń tuńǵyshy Dariǵa Nazarbaevanyń burynǵy rezidentsiiasy súriletin boldy. Jumystar tek rezidentsiia aýmaǵynda emes, Dariǵa Nazarbaeva ielik etken irgeles ýchaskelerde de júrgizilip jatyr. Jumystyń jalpy aýdany 30 myń m2 bolady.
Arna bul jer elitalyq turǵyn úi keshenin salý úshin tazartylǵan bolýy múmkin dep topshylady.
"Áńgime Esildiń oń jaǵalaýyndaǵy, Atatúrik saiabaǵy men Aq Bulaq ózeniniń arasyndaǵy aýmaq týraly. Dariǵa Nazarbaevanyń rezidentsiiasynyń aýdany 15 myń m2 bolady, eki ózenniń túiisken jerinde ornalasqan. Bir kezderi bireýi IIM sanatoriiine tiesili bolǵan eki kórshiles ýchaskemen birge búkil keshenniń aýdany - 300 sotyq. Biyl jazǵa deiin Dariǵa Nazarbaeva osy aýmaqtyń barlyǵyna ielik etti", - dep jazylǵan derekkóz málimetinde.
Arna aqparatyna súiensek, bul jyljymaityn múlik 2000 jyly jeltoqsanda qurylǵan "Transaktsiia" JShS-ne jazylǵan, al Nazarbaevtyń tuńǵyshy bul kompaniiaǵa 2020 jylǵy qarashadan 2021 jylǵy qyrkúiekke deiin ielik etken, keiin kompaniianyń ieleri týraly málimetter jasyrylǵan.
Sýretterge qaraǵanda, qazir Nursultan Nazarbaevtyń qyzynyń burynǵy rezidentsiiasynyń aýmaǵynda qarqyndy qurylys jumystary júrgizilip jatyr: barlyq ǵimarat (sonyń ishinde burynǵy sanatorii) buzylǵan, jasyl jelekterden eshteńe qalmaǵan. Degenmen ázirge Nazarbaevanyń burynǵy saraiy men birneshe ǵimarattar "saý", derekkóz olar da jaqyn arada buzylatynyn jazdy.
"Bul aktivtiń qunyn shamamen baǵalaýǵa bolady. Jaqyn mańda, ózen jaǵasynda satýǵa shyǵarylǵan osyǵan uqsas ýchaskeler joq. Ǵimarattardy eskere otyryp, Nazarbaevanyń aktivin tómengi shek boiynsha 7-8 mlrd teńgege baǵalaýǵa bolady", - dep jazylǵan dereekte.
Aita keteiik, biyl jazda Astanadaǵy "Dýman" qonaqúi kesheni de satylymǵa shyǵaryldy. Buǵan deiin ol da Dariǵa Nazarbaeva men onyń "jubaiy" delinetin Qairat Sháripbaevqa tiesili bolǵan.
