Dariǵa Nazarbaevamen bailanysy bar kompaniiadan Astanadaǵy «Dýman» qonaqúii memleketke qaitaryldy, - dep habarlaidy Dalanews.kz.
«Qaitarylǵan aktivterdi basqarý kompaniiasynyń» JShS balansyna jalpy somasy 89,9 mlrd teńge bolatyn 70 aktiv berildi (onyń ishinde quny 2,8 mlrd teńge bolatyn zergerlik buiymdar). Olardyń qatarynda turǵyn úi jyljymaityn múlki, ákimshilik ǵimarattar, «Dýman» qonaqúi kesheni, zańdy tulǵalardyń jarǵylyq kapitalyna qatysý úlesteri («Jarkent sý», «Tulpar»), óndiristik baza, ashana, janarmai quiý stantsiialary, jer ýchaskeleri, aiaqtalmaǵan qurylys nysandary jáne basqalary bar», – dep habarlady Qaitarylǵan aktivterdi basqarý kompaniiasynyń baspasóz qyzmeti.
Qazaqstanda tórt aktiv satylǵan: Astanadaǵy eki qabatty turǵyn úi jáne Almatydaǵy úsh aktiv (Baitýrsynov kóshesi, 46 mekenjaiyndaǵy ákimshilik ǵimarat, Naýryzbai aýdanyndaǵy «Baitaq» yqshamaýdanyndaǵy jer ýchaskesi jáne «Orion» biznes-ortalyǵy).
Shetelde eki avtomobil (Aston Martin, Rolls-Royce) Birikken Arab Ámirlikterinde jáne Túrkiiadaǵy úsh jyljymaityn múlik (Mýgla, Bodrým aimaǵyndaǵy eki turǵyn úi: Gókshebel, Tilkidjik aýdandarynda jáne Stambuldaǵy bir páter) satylǵan.
«Azattyq radiosy» buǵan deiin 2014 jyly «Dýman» qonaqúiin satyp alǵan «Armaniia» JShS-nyń túpkilikti ieleri Qairat Sháripbaev pen Dariǵa Nazarbaevamen bailanysy bar ekenin anyqtaǵan bolatyn.
2014 jyldyń jazynda qonaqúi 14 mlrd teńgege saýdaǵa shyǵarylǵan.
