داريعا نازارباەۆامەن بايلانىسى بار كومپانييادان استاناداعى «دۋمان» قوناقٷيٸ مەملەكەتكە قايتارىلدى, - دەپ حابارلايدى Dalanews.kz.
«قايتارىلعان اكتيۆتەردٸ باسقارۋ كومپانيياسىنىڭ» جشس بالانسىنا جالپى سوماسى 89,9 ملرد تەڭگە بولاتىن 70 اكتيۆ بەرٸلدٸ (ونىڭ ٸشٸندە قۇنى 2,8 ملرد تەڭگە بولاتىن زەرگەرلٸك بۇيىمدار). ولاردىڭ قاتارىندا تۇرعىن ٷي جىلجىمايتىن مٷلكٸ, ەكٸمشٸلٸك عيماراتتار, «دۋمان» قوناقٷي كەشەنٸ, زاڭدى تۇلعالاردىڭ جارعىلىق كاپيتالىنا قاتىسۋ ٷلەستەرٸ («جاركەنت سۋ», «تۇلپار»), ٶندٸرٸستٸك بازا, اسحانا, جانارماي قۇيۋ ستانتسييالارى, جەر ۋچاسكەلەرٸ, اياقتالماعان قۇرىلىس نىساندارى جەنە باسقالارى بار», – دەپ حابارلادى قايتارىلعان اكتيۆتەردٸ باسقارۋ كومپانيياسىنىڭ باسپاسٶز قىزمەتٸ.
قازاقستاندا تٶرت اكتيۆ ساتىلعان: استاناداعى ەكٸ قاباتتى تۇرعىن ٷي جەنە الماتىداعى ٷش اكتيۆ (بايتۋرسىنوۆ كٶشەسٸ, 46 مەكەنجايىنداعى ەكٸمشٸلٸك عيمارات, ناۋرىزباي اۋدانىنداعى «بايتاق» ىقشاماۋدانىنداعى جەر ۋچاسكەسٸ جەنە «وريون» بيزنەس-ورتالىعى).
شەتەلدە ەكٸ اۆتوموبيل (Aston Martin, Rolls-Royce) بٸرٸككەن اراب ەمٸرلٸكتەرٸندە جەنە تٷركيياداعى ٷش جىلجىمايتىن مٷلٸك (مۋگلا, بودرۋم ايماعىنداعى ەكٸ تۇرعىن ٷي: گٶكشەبەل, تيلكيدجيك اۋداندارىندا جەنە ستامبۇلداعى بٸر پەتەر) ساتىلعان.
«ازاتتىق راديوسى» بۇعان دەيٸن 2014 جىلى «دۋمان» قوناقٷيٸن ساتىپ العان «ارمانييا» جشس-نىڭ تٷپكٸلٸكتٸ يەلەرٸ قايرات شەرٸپباەۆ پەن داريعا نازارباەۆامەن بايلانىسى بار ەكەنٸن انىقتاعان بولاتىن.
2014 جىلدىڭ جازىندا قوناقٷي 14 ملرد تەڭگەگە ساۋداعا شىعارىلعان.
