"Súiikti Aisultanynan aiyrylyp qalǵan bizdiń áýlet qara jamylyp, qaiǵy jutyp otyr. Aýyzǵa sóz túspeitin aýyr shaqta qoǵam jaqynynan aiyrylǵan bizdiń jaǵdaiymyzǵa túsinistikpen qaraidy degen úmittemin", – deidi Dariǵa Nazarbaeva.
Aisultan Nazarbaev búgin 16 tamyzda 30-ǵa tolaryna 10 kún qalǵanda ómirden ótti.
Ajalynyń neden bolǵany áli anyq emes. Júregi toqtap qalǵan degen boljam bar. Máseleniń mán-jaiy anyqtalýda.
Aisultan Nazarbaev - Qazaqstannyń eks-prezidenti Nursultan Nazarbaevtyń nemeresi.
1990 jyly 26 tamyzda marqum Rahat Áliev pen Dariǵa Nazarbaevanyń shańyraǵynda dúniege kelgen.
Bala kezden fýtbolǵa qyzyqqan. 2006 jyly Qazaqstannyń jasóspirimder quramasynyń sapynda Eýropa chempinatynyń irikteý týrnirine qatysty. "Chelsi" jáne "Portsmýt" jastar komandalary men qazaqstandyq "Astana" komandasynda oinaǵan.
2010 jyly Sandherst qalasynda britaniianyń koroldik áskeri akademiiasyn tamamdady. Keiin "biznes ákimshilendirý" mamandyǵy boiynsha Almatydaǵy KIMEP ýniversitetiniń magistratýrasynda oqydy.
Eńbek joly
2012-2013 jyldary Qorǵanys ministrliginiń Bas barlaý basqarmasynda qyzmet atqardy.
2017 jyldyń aqpan-qazan ailarynda Qazaqstan fýtbol federatsiiasynyń vitse-prezidenti boldy. FIFA, ÝEFA jáne ulttyq qaýymdastyqtarmen halyqaralyq bailanys ornatýǵa jaýap berdi.
Britaniianyń "aibyny úshin" nagradasymen marapattalǵan.
Sporttaǵy karerasy
Ákesi Avstriiada qyzmette bolǵan kezde "Admira Vakker" klýbynda fýtbolmen ainalysa bastady. 2006 jyly Qazaqstan birinshi ligasynda astanalyq "Rahat" úshin óner kórsetti. 2007 jyly Almatynyń "Jeleznodorojnik" klýbynyń quramynda boldy. 2006 jyly fýtboldan Eýropa jasóspirimder chempionatynyń irikteý týrnirine qatysty. Keiin birneshe ai "Chelsi" akademiiasynda boldy. Angliia chempionatynyń qola júldegeri atandy.
2011 jyly "Astanada" oinady. 2012 jyldyń 21 qazanynda Qazaqstan chempionatyndaǵy jalǵyz matchyn ótkizdi. Qaskeleńdik "Suńqar" klýbynyń "Aqtóbemen" kezdesýinde ekinshi taimnyń ortasynda alańǵa shyqty.
Angliiadaǵy klinika
Angliiada esirtkige táýeldilerge arnalǵan klinikada em qabyldady. Budan soń Aisultan Nazarbaev áleýmettik jelidegi paraqshasynda birneshe jazba jariialady. Olar Qazaqstanda qoǵamdyq rezonans týdyrdy.
Sońǵy jazbasyn 2020 jyldyń 17 shildesinde jariialaǵan.
Jeke ómiri
2013 jyly "QazRomGaz" AQ basshysy Qairat Boranbaevtyń qyzyna úilengen bolatyn. 2016 jyldyń jazynda eki jastyń otbasynda Ameli esimdi qyz dúniege keldi.
2019 jyldyń sáýir aiynda Aisultan Nazarbaev feisbýktegi jeke paraqshasynda aty-jónin Aisultan Rahat (Aisultan Rakhat) dep, al otbasylyq jaǵdaiyn "ajyrasqan" dep ózgertken.
Ondaǵy málimetke súiensek, tuńǵysh prezidenttiń jieni 2019 jyldyń 5 aqpanynda ajyrasqan.
