Kezdesýde oblys basshysy aýdan, qala ákimderine naqty mindet júktelgenin aita kele, óńirdi damytý úshin turǵyndar da belsene atsalysýy tiis ekenin jetkizdi. Sonymen birge Jetisai shalǵaida qalyp qoiǵan aýdan emes, kerisinshe damý múmkindigi, áleýeti óte joǵary aimaq ekenin atap ótti.
– Árine, birinshi kezekte aýdandy damytý tikelei ákimderdiń iskerligine bailanysty. Árbir basshy oblysqa, aýdanǵa, aýylǵa baǵyttalǵan qarajattyn ár tiynyn tiimdi iske jumsap, elge adal qyzmet etýi tiis. Men aýdan, qala ákimderinen osyny talap etemin.
Shynaiy janashyrlyqpen istelgen jumystyń ǵana oń áseri bolady. Biraq halyqtyń kómeginsiz ákim bir ózi eshteńe istei almaidy. Ár turǵyn óz salasy boiynsha aýyldy damytýǵa úles qosýlary tiis.
Ásirese kásipkerlik salasynda jobalar usynyńyzdar, qoldaýǵa daiynbyz. Qoǵam damýy úshin bárimiz ózgerýimiz kerek. Jetisai shalǵaida qaraýsyz qalyp qoiǵan aýdan emes. Kerisinshe, damý úshin óte qolaily aimaqta ornalasqan. Sýarmaly jeri mol, kásipkerlikti damytýǵa áleýeti zor. Kórshi eldiń shekarasyna jaqyn ornalasqan.
Kezdesýde turǵyndar tarapynan meditsinalyq nysan salý, mektep, jol, infraqurylym máseleleri kóterildi. Sonymen birge ýniversitet ashý, rýhaniiat salalary boiynsha da usynystar aityldy.
Turǵyndardyń suraqtaryna jaýap bergen oblys ákimi kezdesýden keiin jeke qabyldaýyn ótkizdi. Munda basqarma, departament basshylary da biryńǵai qabyldaý ótkizip, turǵyndardyń ótinishterin tyńdady. Oblys ákimi árbir ótinish pen usynys nazarǵa alynyp, zań aiasynda jumys júrgiziletinin jetkizdi.
Byltyr óńir basshylyǵynyń Jetisai turǵyndarymen kezdesýinde kóterilgen máseleler sheshimin taýyp keledi.
Atap aitsaq, 10 másele sheshildi. Eraliev aýyldyq okrýgindegi Muratbaev eldi mekeniniń aýyz sý júielerin aǵymdaǵy jóndeý jumystaryna 23 mln. teńge qaralyp, tiisti jumystar júrgizildi.
Aýyz sý júieleri 32 mln. teńgege aǵymdaǵy jóndeýden ótti. Seifýllin eldi mekeninde aiaqjol salý máselesi kóterilip, 1,6 shaqyrym aiaqjol salyndy. Jyly sý, Baqqonys, Baiqonys, Altynkemer, Maqtaly eldi mekenderinde 702 mln. teńge bólinip, 32 shaqyrymdy quraityn 32 kóshege ortasha jóndeý jumystary atqarylǵan. Sonymen qatar «Aýyl – El besigi» baǵdarlamasy aiasynda 328 mln teńge bólinip, Órkendi eldi mekeninde fýtbol alańynyń qurylysy bastaldy.
Biýdjetten 870 mln. teńge bólinip, Asyqatadaǵy Ál-Farabi atyndaǵy jalpy orta mektebine qosymsha oqý ǵimaraty, sport zaly jáne sheberhanasynyń qurylysy qolǵa alynǵan.
Aýdanda «Jaily mektep» jobasy aiasynda 5 jańa mektep salynady. Jetisaida shaǵyn jáne orta biznes damýda. Biznes sýbektileriniń sany 19 myńnan asyp, 24 myńnan astam adam jumyspen qamtylǵan. Qazirgi tańda Jetisai qalasynyń aýyz sý júielerin qaita qurý, sondai-aq Jańa aýyl aýyl okrýgindegi 4 eldi mekendi aýyz sýmen jabdyqtaý jumystary júrgizilýde.
Jetisai aýdanynda byltyr ónerkásip ónim kólemi 18 mlrd. teńgeni qurap, 2021 jylmen salystyrǵanda 8,5 mlrd teńgege artty. Negizgi kapitalǵa baǵyttalǵan investitsiia kólemi 15 mlrd. teńgeni qurady. Aýyl sharýashylyǵy salasynda 106 mlrd teńgeniń ónimi óndirilgen.
Halyqtyń tabysyn arttyrý maqsatynda «Eńbek» baǵyty boiynsha byltyr aýdanda 11 myńǵa jýyq adam jumyspen qamtyldy. Sonymen qatar Memleket basshysynyń «10 myń turǵynǵa 100 turaqty jumys oryndaryn ashý» tapsyrmasy aiasynda 1 myńnan astam jumys orny ashylǵan.
