Búgin Respýblıka kúni merekesinde Túrkisin oblysy ákimi Darhan Satybaldy oblys turǵyndaryn aıtýly merekemin quttyqtap, júrekjardy lebizin jetkizdi, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.
Qadirli jerlester!
Barshańyzdy Respýblıka kúnimen shyn júrekten quttyqtaımyn!
Halqymyz úshin ataýly merekeniń tarıhı máni aıryqsha. Ult úshin qurban bolǵan, halyq úshin aıanbaı qyzmet etken arystar men qaıratkerlerdiń eńbeginiń arqasynda elimiz egemendikke qol jetkizdi.
Táýelsiz Qazaqstannyń basty jemisteriniń biri – kıeli Túrkistannyń jańarýy. Túrki áleminiń astanasyna aınalǵan qasıetti shahar endi jańa statýsqa ıe bolýda. Túrkistannyń erekshe mártebesi týraly zań Parlamentte qaralyp jatyr. Osy arqyly tarıhı shahardyń abyroıy aspandaı túspek.
Bıyl oblystyń qurylǵanyna endi 6 jyl tolsa da, óńir naqty jetistikterge qol jetkizip, eldiń damýyna óz úlesin qosýda.
Memleket basshysynyń bıylǵy Joldaýyndaǵy tapsyrmaǵa sáıkes, óńirimizde óndiristi damytýǵa, ınvestısıa tartýǵa, ekonomıkanyń qurylymyn ózgertýge basymdyq berip otyrmyz. Jańa zaýyttar, óndiris oryndary ashylyp jatyr. Bıyldyń ózinde sý únemdeý tehnologıalaryn shyǵaratyn zaýyttar ashyldy. Áleýetti ınvestorlarmen sátti kelissózder júrgizilip, mańyzdy jumystar bastaldy. Investısıa tartý baǵytynda elimizde úzdikter qataryndamyz.
Túrkistan oblysynda qurylys báseńdegen emes. Áleýmettik nysandar boı kóterip, el ıgiligine paıdalanýǵa tapsyrylýda. Aýyldar men eldi mekenderdi sapaly ınfraqurylymmen qamtý baǵytynda júıeli jumystar júrgizilip jatyr.
Adam kapıtalyn arttyrý, jastarǵa sapaly bilim berý, qoldaý kórsetý de mańyzdy is. Sondyqtan aımaqta áleýmettik sala, densaýlyq saqtaý salasynda da el eńsesin tikteıtin jumystar atqarylýda.
Oblysta bilim salasyn damytýǵa aıryqsha kóńil bólinýde. Balalardyń mektepke deıingi bilimmen qamtý deńgeıi 100 paıyzǵa jaqyndady. Eki jyl kóleminde oblysta 50 mektep salynady. Jýyrda ǵana «Jaıly mektep» jobasy arqyly alǵashqy mektepti tapsyrdyq. Osy joba arqyly mektep tapshylyǵy máselesi tolyq sheshilmek.
Qurmetti Túrkistan jurtshylyǵy!
Alash arysy, ult qaıratkeri Álıhan Bókeıhanulynyń «Ádildik joq jerde bereke-birlik bolmaıdy» degen sózi bar. Biz óńirdi, respýblıkany damytamyz desek, eń aldymen bárimiz ádildikke bas ıýimiz kerek.
Ádildik – óz qyzmetińdi adal atqarý, elge shynaıy qyzmet etý. Sondyqtan barshańyzdy Respýblıka kúnimen quttyqtaı otyryp, óńirdi órkendetý jolynda adal qyzmet etýge shaqyramyn!
Birligi jarasqan halqy barda, tarıhı aımaq damı beretini sózsiz.
Barshańyzǵa uzaq ómir, zor densaýlyq, qajymas qaırat tileımin! Aspany ashyq, shekarasy berik, keregesi keń, terezesi teń memleketimizdiń bolashaǵy jarqyn bolsyn!
