Almaty ákimi Alataý aýdany Saialy shaǵyn aýdanynda salynyp jatqan ambýlatoriiaǵa baryp, nysandy aralap, qurylys jumystarymen tanysty. Qala basshysy ambýlatoriiany paidalanýǵa berýdi jedeldetý boiynsha naqty tapsyrmalar berdi, – dep habarlaidy Dalanews.kz
Darhan Satybaldy meditsinalyq mekeme qysqa merzim ishinde paidalanýǵa berilip, qurylys sapasy da, naýqastar men meditsina qyzmetkerleri úshin de zamanaýi talaptarǵa tolyq sai bolýy kerek ekenin atady. Atap aitqanda, ol ambýlatoriiany mammograf, ÝDZ jáne rentgen apparaty syndy diagnostikalyq jabdyqtarmen qamtamasyz etý qajettiligine erekshe nazar aýdardy. Bul halyq sanynyń ósýi men profilaktikalyq qyzmetke suranystyń artýyna bailanysty mańyzdy.
Sonymen qatar, ákim jekemenshik sektor ókilderiniń jáne investorlardyń densaýlyq saqtaý nysandaryn jańǵyrtýǵa qatysý úlesin arttyrý múmkindigin qarastyrýdy tapsyrdy. Bul qoljetimdilikti arttyrýmen qatar, básekelestik pen zamanaýi tásilderdi engizý arqyly meditsinalyq qyzmettiń sapasyn jaqsartýǵa múmkindik beredi.
Jańa ambýlatoriianyń ashylýy qarqyndy damyp kele jatqan Alataý aýdanynyń basty máseleleriniń biri – meditsinalyq alǵashqy kómektiń qoljetimdiligin sheshýge baǵyttalǵan. Qazir aýdanda 327 myńnan astam adam turady, bul kórsetkish turǵyn úi qurylysynyń qarqyny men tabiǵi ósimniń esebinen artyp keledi. Ásirese, meditsinalyq infraqurylymnyń jetispeýshiligi Saialy, Saialy-2 jáne Boraldai shaǵyn aýdanynyń ońtústik-batys bóliginde qatty seziledi.
Búginde osy aýdandardaǵy 15 myńnan astam turǵyn 5-10 shaqyrym qashyqtyqta ornalasqan qaladaǵy №22 jáne №29 emhanalarǵa tirkelgen. Bul mekemeler qazirdiń ózinde jobalyq qýatynan artyq jumys istep jatyr.
Jańa ambýlatoriianyń qurylysy 70%-ǵa aiaqtalǵan. Nysan bir aýysymda 200 adam qabyldai alady. Qazir ǵimarattyń qasbeti men ishki árleý jumystary aiaqtalyp, injenerlik júieler tartylǵan, meditsinalyq jabdyqtar satyp alynyp jatyr. Ambýlatoriianyń iske qosylýy qoldanystaǵy emhanalarǵa túsetin júktemeni azaityp, meditsinalyq kómektiń turǵyndarǵa qoljetimdi bolýyna múmkindik beredi.
Joba aiasynda ýchaskelik dárigerlerge, pediatrlarǵa jáne múmkindigi shekteýli adamdarǵa qyzmet kórsetetin mamandarǵa jaily jaǵdai jasaýǵa erekshe kóńil bólingen. Aýdanda týý kórsetkishi joǵary jáne halyqtyń sanaty jas bolǵandyqtan, ana men balany qorǵaý da basym baǵyttardyń biri bolmaq.
Saialydaǵy ambýlatoriianyń qurylysy – Alataý aýdanyndaǵy meditsinalyq kómektiń sapasy men qoljetimdiligin arttyrý jolyndaǵy mańyzdy qadam. Bul meditsinalyq-sanitarlyq alǵashqy kómekti nyǵaitý jáne aýmaqtyq kedergilerdi joiýǵa baǵyttalǵan júieli jumystyń bir bóligi.
Qazirgi ýaqytta aýdanda bes memlekettik emhana jumys isteidi: №14, 22, 23, 25 jáne 29. Sonymen qatar, TMKKK men MÁMS aiasynda qyzmet kórsetetin tórt jeke meditsinalyq uiym bar. Buǵan qosa, bir MSAK ortalyǵy men bes dárigerlik ambýlatoriia jumys isteidi.
Sondai-aq, aýdan aýmaǵynda 147 oryndyq modýldi statsionarda ornalasqan qalalyq patologoanatomiialyq biýro men Balalar infektsiialyq aýrýhanasynyń filialy jumys isteidi. Bul mekeme Alataý, Jetisý jáne Túrksib aýdandarynan keletin balalardy ótkir juqpaly aýrýlar boiynsha qabyldaidy.
Saialydaǵy ambýlatoriia qurylysynyń barysy qala basshylyǵynyń turaqty baqylaýynda.
