Almaty ákimi Darhan Satybaldy jumys sapary aiasynda Almaly aýdanyna baryp, eski turǵyn úilerdi jańartý baǵdarlamasynyń júzege asyrylý barysymen tanysty,- dep habarlaidy Dalanews.kz
Baǵdarlama aiasynda Jambyl, Sháripov, Shevchenko jáne Dosmuhamedov kósheleriniń aýmaǵyndaǵy 15 eski úiden 78 otbasy kóshirildi. Bul jerde 7 kópqabatty turǵyn úi salyndy, taǵy bir úidiń irgetasy qazylyp jatyr. Sonyń nátijesinde bul aýdanda turatyn turǵyndar sany aitarlyqtai ósti. Qazir munda shamamen 600 otbasy turady, bul qoldanystaǵy infraqurylymǵa qosymsha salmaq salyp otyr.
Jańartý jobasymen tanysqannan keiin Darhan Satybaldy injenerlik infraqurylym men áleýmettik nysandarǵa túsetin salmaqty esepteý týraly tapsyrma berdi.
«Eń áýeli qurylysqa ruqsat bergen kezde injenerlik jeliler men jol infraqurylymyna túsetin salmaqty eskerýimiz qajet. Óitkeni turǵyndar sany artqan saiyn bul júkteme de kóbeiedi. Al áleýmettik nysandardyń qurylysy basty basymdyqta bolýǵa tiis», – dedi Almaty ákimi.
