Kezdesýde ekijaqty yntymaqtastyq bailanystardy nyǵaitý máseleleri talqylandy. Sondai-aq, taraptar innovatsiialar men jańa tehnologiialar salasyndaǵy áriptestik máseleleri men ekijaqty aýqymdy jobalar men taýar ainalymy týrasynda pikir almasty.
Oblys ákimi jýyrda Túrkistan oblysy delegatsiianyń Qytai eline jasaǵan issaparynan soń birqatar kelisimder jasalǵanyn atap ótti. Osy baǵytta ári qarai da jańa jobalardyń júzege asatynyn jetkizdi.
Óz kezeginde Tszian Vei Qazaqstan men Qytai arasyndaǵy diplomatiialyq bailanystardyń ornaǵanyn jáne jan-jaqty qarym-qatynastar tereńdei túskenine toqtaldy. Sonyń ishinde qurylǵanyna 5 jyl bolatyn Túrkistan oblysymen áleýmettik-ekonomikalyq bailanystardy nyǵaitýǵa baǵyttalǵan birneshe usynystarymen bólisti. Túrkiler tóri – Túrkistanǵa alǵashqy saparynan alǵan ádemi áserimen bólisken Tszian Vei hanym Túrkistannyń sanaýly ýaqyt ishinde boi kóterip, tańǵajaiyp shaharǵa ainalǵanyna tańǵalysyn jetkizdi.
– Túrkistannyń tańǵajaiyp kórinisin kórip tań qaldym. Kózdiń jaýyn alatyn kórikti mekendegi ásem ǵimarattar men jańa nysandar keremet úilesken. Osyndai óńirmen áriptestik, yntymaqtastyq bailanystardy nyǵaitýǵa jan-jaqty qoldaý kórsetýge daiynbyz. Túrkistan – resýrsy óte bai óńir. Aýyl sharýashyly, «jasyl» energetika, infraqurylym, saýda-sattyq jáne týrizm salalary boiynsha jumys atqarýǵa bolady. Bul – ekijaqty áriptestiktiń basy ǵana, – dedi Tszian Vei.
Oblys ákimi Darhan Satybaldy óz sózinde Túrkistan ólkesiniń Qytaimen shekaralas aimaqtarynyń halyqaralyq kólik dálizi retindegi, ekonomikalyq, týristik jáne basqa da baǵyttardaǵy investitsiialyq múmkindikterine toqtaldy. Áriptestik qatynastardy ornyqtyrýǵa qazaqstandyq taraptyń da yqylasty ekenin aitty. Sonymen birge tereń óńdeý salasyna investitsiia salýǵa shaqyrdy.
Sondai-aq, Túrkistanda jumysyn toqtatqan Golden Camel Group LTD kompaniiasy bastaǵan túie sútin shyǵarý boiynsha iri jobanyń ilgeri jyljyp, sátti iske asyrylýyna yqpal etýdi surady. Qytaidyń bai tájiribesi negizinde Túrkistan óńirinde jergilikti kásipkerlerdiń qoldaýymen aldaǵy ýaqytta birneshe zaýyt-fabrikalar jumys isteidi degen jospar bar. Osy baǵyttaǵy jumystar jalǵasatyn bolady. Túrkistan oblysy ákimi Túrkistan oblysynyń áleýetine toqtalyp, biznesti damytý jónindegi bastamalarǵa tolyq qoldaý kórsetiletinin jetkizdi.
– Bizdiń óńirimizdiń tabiǵi ken oryndaryna bai, áleýeti orasan zor óńir. Eń basty bailyǵymyz – halqymyz óte eńbekqor. Túrkistan – bizneske baǵdarlanǵan óńir. Bizde 170 myńnan astam shaǵyn jáne orta biznes ókilderi jumys isteidi. Aýyl sharýashylyǵymen jyl on eki ai boiy ainalysýǵa múmkindik bar. Týrizm salasyn damytý – Memleket basshysy Qasym-Jomart Toqaev qoiǵan basty mindetterdiń biri. Osyǵan bailanysty biz týristik infraqurylymdy jaqsartýǵa, onyń ishinde qonaq úiler men týristik keshenderdiń qurylysyna erekshe nazar aýdaramyz. Qazaqstan úshin Qytai álemdegi eń iri ekonomikanyń qaqpasy bolsa, Qytai úshin bizdiń elimiz EAEO jáne Ońtústik-Shyǵys Aziia, Kavkaz jáne Eýropa naryqtaryna jyldam logistikalyq baǵyttar ashady, – dedi Darhan Satybaldy.
Jýyrda Túrkistan oblysyndaǵy ár aýdan ákimderi men biznes ókilderi Qytaiǵa baryp, tájiribe almasatyn bolady. Zaýyt-fabrikalardy ashyp, iri óndiris alyptaryna deiin damytýdyń qyr-syrymen tanysady. Maqsat - Túrkistan óńirinde jergilikti kásipkerlerdiń qoldaýymen birneshe zaýyt-fabrikalar ashý. Halyqty jumyspen qamtyp, tabysyn arttyrý.
Kezdesý barysynda túrli salalar boiynsha áriptestik ornatý máseleleri jan-jaqty saralandy. Qos tarap ekonomikalyq bailanysty nyǵaityp, áriptestikti tereńdete túsý, Túrkistan oblysynyń óndiristik áleýetin kóterý jóninde pikir almasty.
