Almaty qalasynyń ákimi Darhan Satybaldy jumys sapary aiasynda «Qalqaman» jańa metro beketiniń qurylys barysyn tekserdi,- dep habarlaidy Dalanews.kz
Jobaǵa sáikes, qoldanystaǵy «Baýyrjan Momyshuly» stantsiiasynan salynyp jatqan «Qalqaman» stantsiiasyna deiingi aralyqtaǵy týnnelderdiń uzyndyǵy 1,98 shaqyrymdy quraidy. Búgingi tańda sol jaq baǵyttaǵy tonnel tolyq qazylyp bitken, al oń jaq baǵytta 887 metr jer qazylǵan.
«BCN group» direktorlar keńesiniń tóraǵasy Aleksandr Belovichtiń málimetinshe, týnnel qazý jumystarymen bir ýaqytta stantsiianyń qurylysy da belsendi túrde júrgizilip jatyr. Qazirgi tańda jeldetý uńǵymasy salyndy, qazý jumystary aiaqtaldy, al beton quiý jumystary 28 paiyzǵa oryndaldy.
«Nysandy 2026 jyldyń qańtar aiyna deiin tolyq aiaqtaý úshin qurylys qarqynyn arttyrý qajet. Osy maqsatta arnaiy shtab qurylatyn bolady. Onyń quramyna qala ákiminiń sala boiynsha orynbasary, tiisti basqarma basshylary, merdiger uiym ókilderi, sondai-aq tehnikalyq jáne avtorlyq qadaǵalaý mamandary kiredi. Shtab otyrystarynda jumystardyń barysy apta saiyn talqylanyp, qatań baqylaýda bolady», - dedi Almaty ákimi.
Qurylys alańynda qala ákimine metro jelisin ári qarai keńeitý boiynsha atqarylyp jatqan jumystar týraly da baiandaldy.
Almaty qalasy ákiminiń orynbasary Asqar Ámrinniń aitýynsha, «Qalqaman» stantsiiasynan «Barlyq» bazaryna deiingi aralyqta taǵy úsh beketti qamtityn jańa baǵyttyń jobalyq-smetalyq qujattamasy daiyndalǵan. Jobany qurylys bastalǵan sátten bastap úsh jyl ishinde júzege asyrý josparlanyp otyr.
Sonymen qatar «Jibek joly» stantsiiasynan halyqaralyq áýejaiǵa deiingi ekinshi jeliniń tehnikalyq-ekonomikalyq negizdemesi ázirlenýde. Al «Sairan» stantsiiasynan Alataý qalasyna deiingi úshinshi jeliniń TEN jobasyn ázirleýge baiqaý jariialanǵan.
«Biz «Barlyqqa» deiingi jeli qurylysyn kútip otyrmai, metronyń taǵy eki jelisiniń qurylysyn qatarynan bastaýdy qarastyrýymyz kerek. Iaǵni, úsh jyl kútpei, barlyq jeli boiynsha jumys qatar júrýi tiis. Jalpy, metro – Almaty qalasynyń kólik júiesiniń mańyzdy elementi. Ol qala turǵyndarynyń qozǵalysyn jeńildetip, kún saiyn qala joldarymen júretin kólik sanyn azaitýǵa múmkindik beredi. Sondyqtan metropolitendi damytýǵa erekshe nazar aýdarylatyn bolady», - dep atap ótti Darhan Satybaldy.
