Almaty ákimi Darhan Satybaldy Katardyń Power International Holding kompaniiasynyń ókilderimen kezdesý ótkizdi. Kezdesý barysynda taraptar demalys pen oiyn-saýyq indýstriiasy, bólshek saýda jáne tsifrlyq tehnologiia salalarynda birlesken investitsiialyq jobalardy iske asyrý múmkindikterin talqylady,- dep habarlaidy Dalanews.kz
Power International Holding kompaniiasynyń Katarda, Maldiv araldarynda jáne ózge de elderde keshendi jobalardy júzege asyrýda halyqaralyq tájiribesi bar. Taraptar Almatynyń áleýeti men qolaily investitsiialyq ahýalyn eskere otyryp, qalada birlesken jobalardy iske qosýdyń mańyzdylyǵyn atap ótti.
Darhan Satybaldy Almaty qalasy elimizdiń ishki jalpy óniminiń tórtten birin qamtamasyz etetinin jáne halyqaralyq bastamalarǵa ashyq ekenin atap ótti. Sondai-aq, Qazaqstan men Katar arasyndaǵy ekijaqty yntymaqtastyq deńgeiiniń joǵary ekenin jáne megapolistiń aýqymdy investitsiialyq jobalardy júzege asyrýǵa daiyn ekenin jetkizdi.
PIH ókilderi óz kezeginde naqty seriktestik baǵyttaryn pysyqtaýǵa daiyn ekenin bildirip, Almatyny óńirdegi ekonomikalyq ósimniń negizgi ortalyǵy retinde joǵary baǵalady.
