Almatyda qala ákimi Darhan Satybaldynyń tóraǵalyǵymen, Qalalyq ardagerler keńesiniń prezidiýmy músheleriniń qatysýymen Qarttar kúnine orai kezdesý ótti,- dep habarlaidy Dalanews.kz
Ákim ardagerlerdi merekemen quttyqtap, olardyń eńbegine, tájiribesine jáne qundylyqtarǵa adaldyǵyna zor rizashylyǵyn bildirdi.
«Bizdiń qoǵamda aǵa býynǵa degen shynaiy qurmet – jai ǵana dástúr emes, mádenietimiz ben ulttyq sanamyzdyń mańyzdy bóligi», – dedi Darhan Satybaldy.
Ákimniń aitýynsha, ardagerler – baǵa jetpes ómirlik tájiribeniń ieleri, olar rýhynyń myqtylyǵymen úlgi bolatyn jandar.
«Sizderdiń eńbek pen tózimderińizdiń jáne senimderińizdiń arqasynda Almaty da, búkil Qazaqstan da búgin maqtan tutar deńgeige jetti. Biz sizder bastaǵan isti jalǵastyryp, jetken jetistikti eselep, jańa damý kókjiegin ashyp kelemiz», – dep atap ótti qala basshysy.
Darhan Satybaldy qarttardy áleýmettik qoldaýǵa arnalǵan is-sharalar týraly keńinen aitty. 2022 jyldan beri Almatyda «Belsendi uzaq ómir» jobasy tabysty júzege asýda. Onyń aiasynda qurylǵan Belsendi uzaq ómir súrý ortalyǵy jylyna 500 myńǵa deiin qyzmet kórsetedi.
Sonymen qatar, «Altyn jas» baǵdarlamasy jumys istep tur. Ol zeinetkerlerge úsh jyl merzimge jumysqa ornalasýǵa múmkindik beredi. Jalaqynyń bir bóligi jergilikti biýdjet esebinen tólenedi. Osynyń arqasynda 1 myńnan astam adam turaqty jumysqa ornalasty.
Qalalyq ardagerler keńesin qoldaý úshin Ishki saiasat basqarmasy arqyly úsh jyldyq joba júzege asyrylýda, sondai-aq qyzmettik avtokólik máselesi sheshildi. Myńǵa jýyq qariia sanatorii-kýrorttyq emdelýge múmkindik aldy.
Ákim qart turǵyndardy áleýmettik jáne meditsinalyq qyzmetpen sapaly qamtamasyz etý basty mindet ekenin atap ótti.
«Ardagerlerimizdi qoldaý, olarǵa laiyqty ómir súrý jaǵdaiyn jasaý – qoǵamdaǵy abyroily ornyn qamtamasyz etý – bizdiń qasietti boryshymyz», – dedi Darhan Satybaldy.
Megapolis basshysy jaýapty basqarmalar men aýdan ákimderine Qarttar aiynyń aiasynda mádeni, sporttyq jáne bilim berý is-sharalaryn kúsheitýdi, Ardagerler keńesimen ózara is-qimyldy nyǵaitýdy tapsyrdy.
