Sharany Aqparat jáne qoǵamdyq damý ministri Aida Balaeva júrgizip otyrdy.
Senat Tóraǵasy óz sózinde qatysýshylardy Táýelsizdiktiń 30 jyldyǵymen jáne Tuńǵysh Prezident kúnimen quttyqtady. Ol sondai-aq Qazaqstannyń elimizdiń Táýelsizdik alǵaly qol jetkizgen jetistikterge toqtala kelip, Qazaqstannyń Tuńǵysh Prezidenti – Elbasy Nursultan Nazarbaevtyń jastardy qoldaýǵa arnalǵan bastamalary týraly jan-jaqty aityp berdi.
«Táýelsizdiktiń alǵashqy jyldarynan bastap jastarymyz álemniń eń ozyq joǵary oqý oryndarynda bilim alý úshin «Bolashaq» baǵdarlamasy iske asyryldy. Baǵdarlama arqyly qazaqstandyq jastar álemniń eń úzdik ýniversitetterinde bilim aldy. Osy jyldary 1800 shamasynda jańa mektep salyndy. Ult densaýlyǵyn jaqsartý jolynda jańa aýrýhanalar men ǵylymi meditsina ortalyqtary boi kóterdi. Táýelsizdik alǵaly 1800-den astam densaýlyq saqtaý nysany salynyp, paidalanýǵa berildi. Elimizdiń, ásirese, óńirler men aýyl-aimaqtyń infraqurylymyn jetildirýge baǵyttalǵan kóptegen jobalar júzege asyryldy. Munyń bári, eń aldymen, jastarymyzdyń bilimdi, deni saý, básekege qabiletti bolyp qalyptasýy úshin jasaldy», – dedi Máýlen Áshimbaev.
Senat Tóraǵasy sonymen qatar kúni keshe Nur Otan partiiasy Saiasi keńesiniń otyrysynda Elbasy «Eldiktiń jeti tuǵyry» atty qaǵidattar jiyntyǵyn jariialap, qazaqstandyqtardyń jańa dáýirdegi basty baǵdaryn aiqyndap bergenin aitty. Tuńǵysh Prezident sózin tilge tiek etken Máýlen Áshimbaev Táýelsizdikti, birlik pen kelisimdi, ata-babadan miras bolǵan jerdi, otbasylyq qundylyqtar men salt-dástúrdi, ulttyq mádenietti saqtap, bilim men eńbekke jáne pragmatizmge basymdyq berý arqyly jasampaz ult bolyp qalyptasatynymyzdy atap ótti.
Senat Tóraǵasy Memleket basshysy Qasym-Jomart Toqaevtyń tapsyrmasymen sońǵy jyldary elimizde jastar saiasaty aiasynda aýqymdy jumys atqarylǵanyn da jetkizdi. Olardyń qatarynda Volonter jylyn ótkizý, Prezidenttik jastar kadrlyq rezervin qurý, saiasi partiialardyń sailaý tiziminde áielder men jastar úshin mindetti 30 paiyzdyq kvotany zańmen engizý jónindegi bastama jáne taǵy basqalary bar.
«Prezidentimizdiń bastamasymen jastardy qoldaýǵa arnalǵan júieli jobalar iske asyrylýda. Memleket tarapynan jastar úshin tiimdi jáne ádiletti áleýmettik lift qalyptastyrýǵa basa mán berilýde. Osynyń negizinde Prezidenttik jastar kadrlyq rezervi jasaqtalyp, bilikti jastar irikteldi», – dedi Senat Tóraǵasy.
Máýlen Áshimbaev forýmǵa qatysýshylarǵa álemniń bolashaq kelbetin ózgertetin, adamdardyń ómirine tikelei yqpal etetin post-pandemiialyq úrdister qalyptasyp kele jatqanyn aitty.
Budan bylai qorshaǵan ortany qorǵaýdyń mańyzy arta beretinine nazar aýdarǵan ol tutynshylyq ideologiiasynan bas tartý qajettigin jetkizdi.
«Tabiǵatpen únemi úilesimde bolý – bizdiń babalarymyzdyń ómirlik filosofiiasy. Biz osyndai kózqarasty qalpyna keltirýimiz kerek. Jer – búkil adamzatqa, bizge deiin jáne bizden keiingi urpaqqa ortaq. Al, onyń múmkindigi shekteýli. Ýaqyt ótken saiyn taza aýa, sý, qunarly azyq-túlik ónimderdiń tapshylyǵy aiqyn sezilip keledi. Eger biz qazirgidei, esepsiz tutyný daǵdysyn jalǵastyra bersek, Jerdiń resýrstary uzaqqa jetpeidi. Sondyqtan qorshaǵan ortany qorǵaý árqaisymyzdyń ómirlik ustanymymyzǵa ainalýǵa tiis», – dedi Máýlen Áshimbaev.
Senat Tóraǵasy jastarǵa densaýlyqqa bas mán bergen jón ekenin atap ótti. Aldaǵy ýaqytta bilim men ǵylymnyń, tehnologiialardyń róli kúrt artatyn bolady, sonymen qatar densaýlyqty saqtaý, salamatty ómir saltyn ustaný – adamnyń óz bolashaǵyna salǵan eń basty investitsiiasy, dedi Máýlen Áshimbaev.
«Pandemiia jaǵdaiy ǵylymnyń qanshalyqty mańyzdy ekenin dáleldedi. Buryn-sońdy bolmaǵan jyldamdyqpen vaktsinalar oilap tabyldy. Bul óz kezeginde indetti salystyrmaly túrde jedel eńserýge múmkindik berdi. Jalpy alǵanda, kúndelikti ómirimizde ǵylymnyń róli artyp keledi. Keiingi bes jylda elimizde magistratýra men doktorantýrada bilimin jalǵastyrǵysy keletin jastar sany ósip otyr. Alaida, olardyń 9 paiyzy ǵana ǵylymi qyzmetpen ainalysady», - dedi Máýlen Áshimbaev.
Senat Tóraǵasynyń pikirinshe, sondai-aq búginde sananyń ashyqtyǵy, áleýmettik ikemdilik, emotsionaldy turaqtylyq, tózimdilik, ortamen til tabysý airyqsha mańyzǵa ie.
«Tehnologiialar men robottandyrýdyń qarqyndy damýy qoǵamnyń qarapaiym eńbekke degen suranysyn azaita beredi. Sol sebepti, oi eńbegin, shyǵarmashylyq kózqarasty talap etetin baǵyttarǵa basa mán berýimiz kerek. Sondyqtan Prezidentimiz elimizde adam kapitalyn, kreativti indýstriiany damytý qajettigin únemi aityp keledi», - dedi Máýlen Áshimbaev.
Senat Tóraǵasynyń pikirinshe, bul jaǵdaida elimizdiń bolashaǵyn baiandy etý jáne Táýelsizdigimizdi nyǵaitý mańyzdy shart bolyp otyr, jastar osy talaptardyń údesinen shyǵa bilýi kerek. Osy oraida ózderińizdei jas býynǵa úlken senim ári jaýapkershilik júkteledi. Al memleket óz tarapynan jastardy qoldaý jumystaryn jalǵastyra beredi, dedi Senat basshysy.
Shara barysynda Máýlen Áshimbaev pen Aida Balaeva "Daryn" memlekettik jastar syilyǵynyń laýreattaryna tósbelgileri men diplomdaryn tabys etti.
«Daryn-2021» memlekettik jastar syilyǵynyń laýreattary:
- «Ǵylym» nominatsiiasy - Esirkegenov Nurǵisa Amangeldiuly;
- «Qoǵamdyq qyzmet» nominatsiiasy - Sansyzbaiuly Balmeiir, Bahretdinov Valihan Kabimýllaevich;
- «Jýrnalistika» nominatsiiasy - Keńshilik Ǵalymjan Baýyrjanuly, Tuljan Aqbóbek Nurbaýlyqyz;
- «Halyq shyǵarmashylyǵy» nominatsiiasy - Eleýsiz Ardaq Timýruly, Oljabai Temirlan Maqsatuly, Naýryz Ernat Nurbergenuly;
- «Klassikalyq mýzyka» nominatsiiasy - Ábilda Altynbek Erkinbaiuly;
- «Teatr jáne kino» nominatsiiasy - Tanabaeva Aqmaral Nuraiqyzy, Qanatqyzy Riza;
- «Sport» nominatsiiasy - Son Igor Sergeevich, Smetov Eldos Baqtybaiuly;
- «Estrada» nominatsiiasy - Baidúkenova Rýhiia Edilqyzy, Álmadiev Álibek Bekbolatuly;
- «Ádebiet» nominatsiiasy - Sársenhan Batyrhan Bórihanuly, Ahmer Birjan Ermekuly;
- «Dizain jáne beineleý óneri» nominatsiiasy - Bekbolatov Atabek Álibekuly.
