Elordada dárilik zattardy retteý júiesin baǵalaý boiynsha halyqaralyq sarapshylardyń qorytyndy missiiasy bastaldy, dep habarlaidy Dala news.
Resmi aqparatqa sáikes, Astanada Dúniejúzilik densaýlyq saqtaý uiymy (DDU) sarapshylary Qazaqstannyń dárilik zattardyń ainalymyn ulttyq retteý júiesin baǵalaý boiynsha sońǵy saparǵa kiristi. Missiia Global Benchmarking Tool (GBT) jahandyq salystyrmaly baǵalaý quraly aiasynda ótip jatyr jáne eldiń retteýshi júiesiniń jetilý deńgeiin aiqyndaityn sheshýshi kezeń bolmaq.
Missiia qorytyndysy boiynsha Qazaqstanǵa jetilýdiń úshinshi deńgeiin berý máselesi qaralady. Bul mártebe ulttyq retteý tetikteriniń halyqaralyq standarttarǵa sáikestigin jáne institýtsionaldyq tiimdiliginiń turaqtylyǵyn rastaidy.
Qazirgi ýaqytta Qazaqstan GBT júiesi boiynsha ekinshi jetilý deńgeiinde. Baǵalaý júiesi tórt deńgeiden turady. DDU derekterine sáikes, úshinshi jáne tórtinshi deńgeige álemniń 36 eli qol jetkizgen.
Úshinshi deńgeige ótý dárilik zattardyń sapasyn ulttyq baqylaý júiesine degen senimdi arttyrý, otandyq farmatsevtikalyq ónimderdiń eksporttyq áleýetin keńeitý jáne salaǵa investitsiia tartý turǵysynan strategiialyq qadam retinde qarastyrylady
